影片
更多
2021-12-07
42 瀏覽
作為一個不折不扣嘅肉食控，有時食太多肉，都會想食返清淡少少🤭 前日去尖沙咀搵嘢食嗰陣，忽發其想想食齋，最後搵咗呢間望落比較新派少少嘅素食cafe，最後發覺我呢個肉食獸原來對素食都唔係咁抗拒😎第一次食素食cafe，唔知揀咩先好🤔 於是揀咗個自己都幾鍾意食嘅牛肝菌闊條麵。上到嚟好香菌味，因為除咗牛肝菌之外，仲有其他雜菌🤤 入面仲撈咗impossible素牛肉碎，食落真係好有真肉碎嘅口感！闊條麵煮得夠哂彈牙，幾好味，完全唔覺得自己食緊素食🤣一向鍾意食啲邪惡野嘅我緊係揀番個Pizza嚟食啦！ 呢個50/50 pizza係指一半係margarita pizza，另外一半係自家製水牛芝士pizza😋 個批係薄批，外皮超級脆，而內裏就好軟熟！蕃茄嘅酸甜味好出，不但開胃，仲可以中和水牛芝士嘅膩👍🏻 呢杯拿鐵好大杯，面頭灑滿咗桂花碎，賣相好靚好精緻🤤 飲落有淡淡嘅桂花清香，味道唔算太甜，個人幾鍾意！而且又夠哂大杯，兩個人share都夠🤣除咗主食，呢到仲有唔少甜品可以食。我哋喺眾多甜品入邊揀咗比較特別嘅泰奶遇上豆腐花，呢個配搭好新鮮😬 一開頭驚佢個泰奶會超甜，點知又唔算好甜，原來配豆腐花個味道都夾到😋 豆
牛肝菌impossible肉碎闊條麵
$118
2 瀏覽
0 讚好
0 留言
50/50蕃茄自家製水牛芝士pizza
$138
2 瀏覽
0 讚好
0 留言
桂花烏龍拿鐵
$42
1 瀏覽
0 讚好
0 留言
泰奶遇上豆腐花
$58
4 瀏覽
0 讚好
0 留言
除咗主食，呢到仲有唔少甜品可以食。我哋喺眾多甜品入邊揀咗比較特別嘅泰奶遇上豆腐花，呢個配搭好新鮮😬 一開頭驚佢個泰奶會超甜，點知又唔算好甜，原來配豆腐花個味道都夾到😋 豆腐花上面仲有好多配料，有珍珠、寒天波波同埋小芋圓，真係一次過滿足晒你三個願望🤣 不過豆腐花再滑少少就更好味啦！總括而言，呢間新派素食餐廳幾值得一試！嘢食食落口唔會覺得自己食緊齋咁，亦唔會令我呢個肉食獸覺得淡茂茂🤪 唔鍾意食素食，都可以試吓佢哋啲甜品，選擇多多，味道又唔錯👍🏻 不過店舖嘅座位就比較逼，張枱都唔係好夠放晒啲嘢食🤣
同你一齊搵更多好嘢食😋
張貼
