影片
更多
2023-01-13
159 瀏覽
原本只係鍾意上山下海既我，近年開始鍾意週圍發掘唔同既好西， 住左大埔咁耐，今次朋友介紹呢間主打星馬泰食菜式既餐廳，望住個Google Map，佢既地點唔會難搵，行到門口望下個門面，佢個招牌同入邊都幾光猛，但裝修比較貼地，唔細心既話，真係估唔到入面係食特色異國菜，故事當然教訓我地唔好以貌取人啦，因為唔入黎又點會知佢既食物都真係唔錯，而價錢亦好似佢既裝修咁一樣貼地親民，可以話平時食得多港式、日式、西式，新加坡式都幾貼近香港人口味！每次去餐廳食野，我都必定會叫佢既招牌，更何況呢度既招牌個樣相當值得打咭，而因為得兩個人食，叫到既野唔多，其實仲有好幾樣我想食架，唯有留返下次啦！新加坡辣椒軟殼蟹火山包$168話明係招牌，本身自己都鍾意食包，但今次呢個野的確唔錯，緊記要襯熱食，自己親手為火山包淋上令人食指大動既辣醬，個醬係咖喱色，而本身係微辣，就算唔食得辣既人都一樣入到口，而佢辣中帶有少少甜味，同個包配合得好好，食下又一舊食下又一舊，唔係好停到，而包入面仲會有青口、蜆仔同軟殼蟹，海鮮入口完全索哂個醬，又開胃又惹味，我同朋友都食得好開心森巴醬通菜$36自己係去過馬來西亞既，但一直唔知咩野係森巴醬，由店
每次去餐廳食野，我都必定會叫佢既招牌，更何況呢度既招牌個樣相當值得打咭，而因為得兩個人食，叫到既野唔多，其實仲有好幾樣我想食架，唯有留返下次啦！
新加坡辣椒軟殼蟹火山包$168
話明係招牌，本身自己都鍾意食包，但今次呢個野的確唔錯，緊記要襯熱食，自己親手為火山包淋上令人食指大動既辣醬，個醬係咖喱色，而本身係微辣，就算唔食得辣既人都一樣入到口，而佢辣中帶有少少甜味，同個包配合得好好，食下又一舊食下又一舊，唔係好停到，而包入面仲會有青口、蜆仔同軟殼蟹，海鮮入口完全索哂個醬，又開胃又惹味，我同朋友都食得好開心
森巴醬通菜$36
自己係去過馬來西亞既，但一直唔知咩野係森巴醬，由店員講解完先知原來係馬拉家家戶戶都有樽，同香港人支辣椒醬/油或者胡椒粉一樣，乜都要落，炒完出黎既菜有佢獨特既味道，又係一味開胃菜
串燒$22@兩串
個醬依舊係令人開胃既，而雞肉牛肉係正常水準，冇話有咩大驚喜，
豬扒藍蝶花梛漿飯$69
因為住大埔，更加知道大埔鳳園有個蝶豆樂園，唔知呢度既蝶豆又關唔關果邊事呢? 講返個飯，飯身較乾，但滲透著微微既梛漿味，撈埋啲花生同小魚仔個配搭就即刻出色左，至於伴碟既雞翼同豬扒個人覺得較為普通，下次試下其他餸先！
森巴醬通菜
$36
12 瀏覽
0 讚好
0 留言
惹味沙嗲雞/牛肉串燒
9 瀏覽
0 讚好
0 留言
豬扒藍蝶花梛漿飯
6 瀏覽
0 讚好
0 留言
新加皮辣蟹醬軟殼蟹火山包
$168
6 瀏覽
0 讚好
0 留言
張貼
