Ocio (已結業)

以前係葵芳返學，都會係新都會廣場食飯。畢咗業咁耐都冇再去過，今日咁啱約咗人係葵芳食飯，就揀咗呢一間OCIO食dinner。環境黎講，整體感覺偏文青風，花牆非常適合打卡。由於疫情嘅影響，餐廳都有設立一啲透明嘅膠牌隔開每個座位，睇嚟餐廳嘅安全意識都唔錯。食物方面我哋叫咗兩個餐，一個係刺身帶子海膽明太子意粉，另一個係日式鐵板龍蝦汁魷魚飯。兩個餐都有跟餐湯同一杯飲品。意粉份量唔算多，但絕對夠一個人食既份量。味道黎講我覺得唔錯，帶子肉質非常嫩滑，醬汁偏向濃味。魷魚飯嘅話飯軟硬適中，芝士味比較濃郁，魷魚還算新鮮有口感。餐湯口感好creamy，吾錯。以晚飯來講，價錢方面都覺得合理。中意西餐既朋友，經過都可以過來試下！