176
13
10
港鐵葵芳站 D 出口, 港鐵葵芳站 E 出口 繼續閱讀
所有分店 (3)
電話號碼
62939281
營業時間
今日營業
12:00 - 22:00
星期一至五
12:00 - 22:00
星期六至日
11:30 - 22:00
付款方式
Visa Master 現金 AE Apple Pay
其他資料
網上訂座
切餅費
泊車
電話訂座
賞訂座積分
加一服務費
有關獎賞計劃
食評 (212)
等級4 2020-06-08
1399 瀏覽
又到懶洋洋嘅週末,瞓到自然醒已經差不多十二點,窗外依然烏雲密佈,令人完全提唔起勁,本來想照舊叫外賣就算,先生反而提議出去行下,最後揀咗新都會呢間清新小cafe。午餐menu有十三個餐,選擇亦算多元化,跟餐包餐湯同飲品,仲可以用優惠價錢加配小食。另一樣比較吸引嘅係甜品menu,雪山疏乎厘班戟似乎係必叫之選。最後我哋揀咗一份set lunch同一份雪山疏乎厘班戟,set lunch附送嘅忌廉湯雖然份量唔多,但質素可以。醬燒豬肋骨窩夫超抵食,除咗豬肋骨同窩夫,仲有薯條同煎蛋。豬肋骨份量唔少,切開大概有五至六條肋骨,醃得非常入味,而且烤得好香;另外豬肋骨底下係滿滿嘅薯條,一啲都唔吝嗇。完成鹹食嘅部份,仲有原味窩夫配楓糖漿,窩夫雖然未至於外脆內軟,但食落有濃濃嘅蛋香,加上香甜嘅楓糖漿,係簡單而幸福嘅滋味。個人好鍾意呢個set,由鹹食同甜食組成,一次過滿足兩個願望,而且份量剛剛好。先生本來睇中抹茶紅豆雪山,但好可惜已經賣哂,所以揀咗呢個蜜瓜雪山,但依然相當有驚喜,首先賣相相當精緻,面頭係加咗星星脆片嘅牛奶雪糕,然後係疏乎厘班戟,底下係半個鮮蜜瓜裝住蜜瓜沙冰,成個配搭好有心思。雪糕帶有香濃嘅牛奶味,配上又香又脆嘅穀物片,非常合襯。疏乎厘班戟雖然未至於空氣感爆棚,但口感鬆軟,而且好香蛋味,加上面頭嘅雪糕融化咗,為疏乎厘班戟增添一絲絲甜味。跟餐嘅凍檸茶質素亦唔錯,糖漿另上,可以自己調教甜度。餐廳整體質素唔錯,食物配搭有心思,性價比亦算高,作為假日輕食係一個唔錯嘅選擇。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-16
1388 瀏覽
朋友想去Muji 買家品, 佢係新界人,當然去葵芳新都會廣場。 呢個商場真係唔錯, 好多大型舖頭,又有很多高質餐廳。買完嘢就要搵地方醫肚仔😂😂,見到呢間餐廳好多人排隊, 我哋都唔執輸埋去睇下, 原來精選晚市二人套餐 , 只係二百幾蚊😎😎 排咗一陣終於到我哋。我哋都冇諗太多一於揀返個二人套餐😍😍刺身帶子明太子意大利粉🍝意粉煙韌彈牙醬汁creamy。最重要係有最鍾意食嘅帶子, 兩邊煎得金黃香脆。 加埋和風明太子醬汁同埋紫菜, 十分滋味。🍯醬燒豬肋骨配薯角🥔豬肋骨份量不少, 可以切開多於10件😆😆😆 豬肋骨煎得香口, 秘製bbq醬汁同埋 rosemary, 非常match嘅組合, 令人流曬口水😋😋😋蒜香雞翼 😃套餐附帶嘅小食, 絕對唔會馬虎, 仲要係正常餐點嘅份量。 外皮炸到金黃香脆, 內裏肉汁juicy 又夠味。😉😉凍檸茶🍋🍹熱檸茶🍋☕餐飲我哋嗌咗普普通通嘅檸茶, 不過最欣賞佢就係糖漿另上, 可以自己調教檸茶嘅甜度🍯總括嚟講, 二百幾蚊一個晚餐, cp值非常高, 環境坐得唔錯服務又ok, 餐點份量都好大份。 可以再encore。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-12
1065 瀏覽
Ocio 係多次罷工既日子 (8月5號、11月11號等)都參與罷工活動表態政治立場。而近排Ocio因應疫程關係,推出左一個平民價位既二人套餐,定價唔高,兩道主菜加一個小食都只係$216,既係黃店又咁抵食,一定要去支持下。-✨芝士肉醬牛肉漢堡配薯條 (⭐⭐⭐✨/5🌟)見到餐牌入面有一個咁有特色既漢堡,芝士肉醬,聽落幾吸引,當然要試下~個漢堡一黎到,份量都幾大,入面有煙肉、漢堡排、芝士、蕃茄,非常巨型。見到呢一個漢堡,我即刻覺得好有親切既感覺,話說Burger expert係CityU讀書果時,成日食AC2既巨型漢堡,呢一個漢堡有7-8成相似,回憶鈍時湧上心頭,嗚嗚。-✨安格斯肉眼排配燒汁 (⭐⭐⭐⭐/5🌟)除左漢堡之外第二道主菜就係安格斯肉眼排,點左7成熟,一切開就呈現粉紅色,好Juicyyyy。旁邊仲有少許薯菜,勝在夠大份又飽肚~~-✨小食拼盤(⭐⭐⭐✨/5🌟)小食拼盤包羅萬有,入面有雞塊、薯角、炸魚手指、炸蝦,配有沙律醬,味道同一般既炸物拼盤差唔多,勝在夠大份。-✨紅豆牛奶沙冰 (⭐⭐⭐⭐/5🌟)呢個沙冰係我鍾意既味道,由於個人不太好果汁味沙冰,牛奶味就完全Fit哂,加上底下有紅豆幾有咬口,非常推薦~ 繼續閱讀
(以上食評乃用戶個人意見 , 並不代表OpenRice之觀點。)
等級4 2020-04-27
1346 瀏覽
是夜老公過嚟接放工,呢排好忙唔想返屋企煮飯😂🙈乘機要求落葵芳新都會食埋晚飯先返屋企✌🏻經過Ocio發現有個二人晚餐,價錢$216加一,除開每人都係百零蚊,就可以有兩個主菜,一個小食,都幾抵食!✨精選二人晚市套餐 ($216)兩款主菜+1個小食主菜1 - 刺身帶子明太子意粉 (原價$148)主菜2 - 安格斯肉眼扒8oz配燒汁 (原價$168)小食 - 小食拼盤 (原價$46)(是日餐湯,是日沙律,咖啡或茶可以優惠價加配。)如果散叫要$362,而家叫餐平咗差唔多$150👍🏻刺身帶子明太子意粉 帶子大大隻,肉質彈牙,外層焦香,不過內裡就熟咗少少。意粉煙韌彈牙,醬汁Creamy。安格斯肉眼扒8oz配燒汁安格斯肉質鮮嫩,牛味香濃,表層焦香,入口肉汁豐富,點埋店家自製嘅芥末更正!伴碟薯菜都唔少,仲幾好味。小食拼盤:雞塊、薯角、炸魚、炸蝦全部都炸得金黃香脆,上枱時熱辣辣,入口脆卜卜,而且份量都唔少,食得好盡興! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-03-17
1901 瀏覽
位於葵芳新都會廣場二樓270至271號舖的Ocio,主打西式菜。餐廳的環境明亮舒適,上菜速度也頗為快速。餐廳提供午市套餐,包餐湯、主菜及飲品,加一後約七十多八十元一位。侍應先送上兩碗甘荀湯,甘荀的味道頗為濃厚。熱騰騰的 燒汁牛肉粒意大利飯 (Diced Beef Risotto with Teriyaki Sauce) 來到了,份量頗為大份,相當飽肚。意大利飯的質感略為硬了少許,要慢慢咀嚼。燒汁的味道相當濃郁,每粒意大利飯都沾滿了充足的醬汁。牛肉粒約有六、七粒,肉味頗為濃郁。朋友點了一客 芝士白汁海鮮焗飯 (Baked Cheese Seafood Rice with Cream Sauce) ,賣相十分吸引。朋友是芝士控,所以十分喜愛這道菜式。芝士份量充足,整體味道鹹鹹香香。白汁令意大利飯的口感更滑溜。。配料有海鮮如魷魚、蝦仁,還有少量本菇及娃娃菜片。今次用膳和朋友分享了主菜,可以多試幾款口味。另外,也加配了一客隨餐小食 - 奧斯水牛城雞翼 (Ocio Buffalo Wings)。雞翼即點即製,熱騰騰的。略嫌醬汁酸了少許,但整體感覺也是相當香口的。旁邊還有少許沙律菜,可以吃少許,中和一下膩感。飲品則點了凍檸檬茶和凍咖啡,檸檬茶茶底的味道也相當濃。 繼續閱讀
(以上食評乃用戶個人意見 , 並不代表OpenRice之觀點。)