火鍋隨意門

喺灣仔行完街之後，中午就過嚟食火鍋，佢嘅火鍋都非常之有驚喜，除咗嘢食好食之外，嗰啲擺設都好有特色。特別係我哋叫咗個菊花茶，佢嘅茶用一個類似地球儀嘅裝置嚟裝住，非常之寫意，甚至仲覺得自己好似有飲緊酒添。而且食方面都唔惹少，我哋首先叫咗個花膠雞湯底，佢嘅花膠質感柔軟，湯底清甜有雞味好好飲飲完湯之後先至可以落雞同埋其他嘅配菜入去。其實佢嘅嘢食都好食，佢嘅牛肉都好有牛味而我會特別推薦佢嘅鮮蝦丸，因為裏面真係有蝦喺裏面，非常之彈牙好食。當然佢嘅餃子都幾特別佢會用住個旋轉木馬嘅形式裝住餃子非常之可愛有少女心。