Little Vegas

營業中

休息中

朋友早前說依間好食，今次陪我特意來試試。餐廳裝潢色彩繽紛，如走進了開心小天地。所提供美食選擇唔少，樣樣都想試，七點後已八成滿座，店員提示用餐時間為90分鐘。價錢合理，環境食物都相當滿意。雞翼好多重奏 $78雞翼有四款口味可選一款或三款，貪心嘅我選了麻辣、柚子和水牛城，每款都有三隻。雞翼炸得皮脆肉嫩，麻辣一入口即有麻痺感覺，柚子甜甜地能中和下麻味，水牛城就唔洗講都知酸甜辣辣好食，食晒三款口味的確令人滿足。 明太子忌廉天使麵 $112賣相吸引，大量木魚絲在起舞，天使麵柔軟细緻，個汁收得好靚好creamy，忌廉汁好掛麵，好多明太子食落粒粒口感，配料有不少菇菌類，味道濃郁非常美味。 孖寶比薩 $128可自選兩款口味，點了蒜香辣肉腸沙茶風味和喇沙海鮮味。薄批脆卜卜，喇沙海鮮好足料，有魷魚、蝦、豆卜等，味道非常香口。而沙茶風味有落了好多辣肉腸啖啖肉口感，充滿蒜香非常惹味。兩款味都唔會太濃，食完都唔怕口渴。