富泰燒烤樂園

營業中

休息中

富泰燒烤樂園@屯門之前臨近聖誕節約埋班朋友去燒野食，因為臨時臨急約好多燒烤場都滿左，唯獨係屯門呢個場仲有位！所以我地就book左第二日就去燒啦我地個日揸車入去，一到就有車位，都幾方便。落車之後行幾步路就到門口，呢到係先收費同派發飲品券，然後就可以燒足一日。我地當日就有12點半燒到8點😂呢到野食種類唔算好多，都係唔同味道既豬扒，雞扒，雞翼，仲有好多種丸，麵包只有一種。值得一讚既係佢D野食係獨立包裝，雖然咁樣好唔環保，但變相就乾淨好多，同埋唔會俾人揀黎揀去～推薦佢哋既魷魚，燒魷魚真係好正，都未熟曬已經聞到陣陣香味！