影片
更多
2016-07-17
1957 瀏覽
之前都聽過德美係間幾出名既日本餐廳，所以咁岩經過果邊就決定去食周末六點幾門口出面無咩人排隊，不過拎位既時候先知得返一張walkin既二人枱去左細邊果邊，入面有四張枱，唔算迫食物方面，有得叫套餐($300-$390)，或者散叫叫左個甜蛋($28)，好有蛋汁，好好食，不過就係凍既，可能暖或者熱會岩我多d之後黎左三色丼 ($108)，有三文魚劍魚帶子，都好多刺身，但最驚喜係個飯唔係白飯，係好濃既壽司醋加紫菜加一d應該係菇粒，整成個飯，面頭再加一隻雞蛋，撈起完全唔需要再加豉油都超好味，份量比想像中大份，好夠飽，另外原來仲有一碗麵豉湯同迷你沙律包埋之後係三文魚沙律 ($65)，三文魚份量都ok，係幾厚身，個汁都幾開胃跟住係吞拿魚軍艦 ($55)，面頭有好多吞拿魚肉碎，口感幾得意，果度既職員都好細心叫我地食左呢碟先，驚紫菜淋左無左脆口感覺最後係鵝肝帶子卷 ($68)，鵝肝唔腥好好食，加上帶子刺身，面頭又加左好脆既野，有鵝肝既香、有帶子既鮮同滑，又有脆既口感，醬汁都好好味，唔需要再加豉油，推介呢款埋單果陣都係好似其他日本餐廳咁送上迷你雪米滋，五樣野總共大約三百五十總括黎講，環境、服務、食物都好好，以
周末六點幾門口出面無咩人排隊，不過拎位既時候先知得返一張walkin既二人枱
去左細邊果邊，入面有四張枱，唔算迫
食物方面，有得叫套餐($300-$390)，或者散叫
叫左個甜蛋($28)，好有蛋汁，好好食，不過就係凍既，可能暖或者熱會岩我多d
之後黎左三色丼 ($108)，有三文魚劍魚帶子，都好多刺身，但最驚喜係個飯唔係白飯，係好濃既壽司醋加紫菜加一d應該係菇粒，整成個飯，面頭再加一隻雞蛋，撈起完全唔需要再加豉油都超好味，份量比想像中大份，好夠飽，另外原來仲有一碗麵豉湯同迷你沙律包埋
之後係三文魚沙律 ($65)，三文魚份量都ok，係幾厚身，個汁都幾開胃
跟住係吞拿魚軍艦 ($55)，面頭有好多吞拿魚肉碎，口感幾得意，果度既職員都好細心叫我地食左呢碟先，驚紫菜淋左無左脆口感覺
最後係鵝肝帶子卷 ($68)，鵝肝唔腥好好食，加上帶子刺身，面頭又加左好脆既野，有鵝肝既香、有帶子既鮮同滑，又有脆既口感，醬汁都好好味，唔需要再加豉油，推介呢款埋單果陣都係好似其他日本餐廳咁送上迷你雪米滋，五樣野總共大約三百五十
總括黎講，環境、服務、食物都好好，以食物既質素黎講算好抵食，會再去
最推介既係三色丼同鵝肝帶子卷
唯有可以改善就係可能上左沙律先會比較好，果日食到中段先上沙律
張貼
