小火焰韓式咖啡廳 (觀點中心) (已結業)

假日約朋友去咗觀塘依間韓式餐廳食飯，餐廳座位寬敞，環境舒適，我哋點咗一個主食、炸雞同兩個小食。-柚子明蝦水冷麵（$88）水冷麵選用蘿蔔味湯底，裏面除咗有鮮甜嘅大蝦，仲有切絲青瓜、蘿蔔等雜菜，麵底食落冰涼爽口，加上少許柚子，甜甜酸酸，令到整體好fresh。-芝味炸雞（$178一份/$98半份）炸雞外脆內充滿肉汁，佢除咗有芝士醬，仲落咗好多芝士粉，份量都好多，我哋叫咗半份都好夠食。-炸紫菜卷（$38）紫菜卷外皮好鬆脆，入面包住粉絲，係可口嘅輕量小食。-羽衣甘藍特色菜餅（$68）菜餅好香泡菜味，薄薄地嘅煎餅，上面放咗幾片泡菜，少少辣，好醒胃。