德美壽司 (德民街)

營業中

休息中

一班人吃日本菜，最想價錢抵夾大件，  很快便想到德美。德美坐落於黄埔新邨中的橫巷中，不過午市無得訂位。好在依家由一間再擴展埋隔離間鋪，唔使等太久便有位。午市餐牌有便當、壽司配烏冬、熱鍋、刺身飯、定食等，都很多樣化。同時大部分都包味噌湯、蒸蛋、飯、日式沙律和甜品。樱花角切魚生飯，各種魚生新鮮兼厚角切，無渣。加上温泉蛋，飯同刺身都增加滑嫩感。 銀雪魚西京燒定食，銀雪魚是貴價魚，在餐廳吃起碼成百多元都只得細細塊，依家$99仲包埋味噌湯、蒸蛋、飯和日式沙律。 如果你食量較大，我會推薦點便當，平均由$83-98，刺身、熟食、炸物都有，超抵。 彩之刺身便當，有三格 一為帶子、三文魚和大甜蝦，帶子鮮甜；一為炸軟殼蟹，有成隻又鬆脆；三色飯(蛋絲、青瓜絲、蟹柳絲、蟹子和混有冬菇絲的有味壽司飯)加埋附送的食物，包你飽。德美和風便當有一整條燒秋刀魚、炸豬扒、刺身(三文魚、大甜蝦)、玉子、蟹柳，小食是辣味螺肉，份量都唔少。日本菜一向晚市都較貴，個人認為最好便光顧午餐，較便宜抵食外，又可試到好與壞。 另此午市不用加一的。