鳴越越式料理

營業中

休息中

難得阿妹今日唔洗湊小朋友,所以收工可以齊齊去中環食番餐靚飯,佢又鍾意食越南嘢,結果就俾我搵到呢間喺中環區嚟講價錢算十分之平嘅<鳴越越式料理>試一試。上到嚟見到有梳化櫈坐,正呀我最鍾意,舒服又濶落。睇完餐牌覺得啲套餐真係好抵嗌,所以就一人叫咗一份,再加個小食一齊share喇。越式生牛肉河粉($60蚊)阿妹話呢碗生牛肉河粉真心唔錯,價錢又抵,又足料,湯底出奇地好味,啱哂佢口味,加埋魚露就仲正咁話。另外一塊塊生牛肉就算俾湯浸過咗之後肉質都冇變鞋香茅豬扒撈檬($66蚊)呢碗撈檬大份到連我咁大食都食唔哂,豬扒炸完夠鬆軟,仲有好多青瓜絲伴菜,充滿越式風味。越式椒鹽軟殼蟹($72蚊),呢款小食阿妹揀得唔錯,軟殼蟹即叫即炸寧舍香口,份量又足,就算有啲熱氣都令人難以抗拒每份一人套餐都會包一杯港式熱飲,我就飲熱檸茶阿妹就叫咗杯熱菊蜜,大家齊齊有個飽飽嘅晚上。