影片
更多
2023-11-27
296 瀏覽
莆田 Putien📍元朗元龍街9號形點一期2樓2040號舖 作為莆田嘅fans，每次一見到佢哋做唔同食材嘅季節時，我都第一時間約人去嚐鮮。今年秋天，莆田推出大閘蟹套餐，主打金秋大閘蟹，吸引唔少愛蟹之人一嘗秋蟹之味。雖然我係愛食蟹之人，但印象中無食過大閘蟹，怕自己一個食唔晒，所以遠道邀嚟居於澳門嘅蟹癡表妹，陪我一齊食！ 💰$28肉鬆茄子 🍆之前介紹過性價比好高嘅肉鬆茄子，真係食過返尋味，所以點咗份俾我表妹試下。鹹鹹香香嘅肉鬆真係好好味，炸茄子外皮脆口，茄子肉軟嫩，大人細路都會愛上。 💰$98芋泥香酥鴨 🦆由於表妹份人比較隨意，所以佢叫我發辦，揀一道肉食小菜。本來我想試下從未食過嘅荔枝肉嘅，但始終對芋泥香酥鴨念念不忘。滷過嘅鴨肉味道格外香濃，由酥脆嘅炸芋泥包裹住，入口滿是香味，真係食幾多次都唔會厭。 💰$168蟹黃炒米粉 🦀🍜除咗食原隻大閘蟹外，莆田仲有推出兩款以蟹入饡嘅菜式。我同表妹都對蟹黃炒米粉好有興趣，幻想到會有一碗蟹黃倒落去炒米粉度，撈成金金黃黃嘅麵食。殊不知原來佢同我之前食過嘅炒米粉差不多，只係少咗啲紫菜。話雖如此，呢道蟹黃炒米粉味道依然無令我哋失望。儘管唔係用大量蟹黃炒，但每一
📍元朗元龍街9號形點一期2樓2040號舖
作為莆田嘅fans，每次一見到佢哋做唔同食材嘅季節時，我都第一時間約人去嚐鮮。今年秋天，莆田推出大閘蟹套餐，主打金秋大閘蟹，吸引唔少愛蟹之人一嘗秋蟹之味。雖然我係愛食蟹之人，但印象中無食過大閘蟹，怕自己一個食唔晒，所以遠道邀嚟居於澳門嘅蟹癡表妹，陪我一齊食！
[價錢 Price]
💰$28
肉鬆茄子 🍆
之前介紹過性價比好高嘅肉鬆茄子，真係食過返尋味，所以點咗份俾我表妹試下。鹹鹹香香嘅肉鬆真係好好味，炸茄子外皮脆口，茄子肉軟嫩，大人細路都會愛上。
[價錢 Price]
💰$98
芋泥香酥鴨 🦆
由於表妹份人比較隨意，所以佢叫我發辦，揀一道肉食小菜。本來我想試下從未食過嘅荔枝肉嘅，但始終對芋泥香酥鴨念念不忘。滷過嘅鴨肉味道格外香濃，由酥脆嘅炸芋泥包裹住，入口滿是香味，真係食幾多次都唔會厭。
[價錢 Price]
💰$168
蟹黃炒米粉 🦀🍜
除咗食原隻大閘蟹外，莆田仲有推出兩款以蟹入饡嘅菜式。我同表妹都對蟹黃炒米粉好有興趣，幻想到會有一碗蟹黃倒落去炒米粉度，撈成金金黃黃嘅麵食。殊不知原來佢同我之前食過嘅炒米粉差不多，只係少咗啲紫菜。
話雖如此，呢道蟹黃炒米粉味道依然無令我哋失望。儘管唔係用大量蟹黃炒，但每一口都食到蟹黃同蟹油嘅鮮味，配上我非常喜愛嘅興化米粉，真係好夾！我特別鍾意米粉內嘅迷你豆腐，佢嘅口感介乎于豆卜同魚腐兩者之間，每粒都吸滿汁，好味道！
私心推介大家一試莆田辣媽辣醬，只係落少少，食材嘅鮮味就得以提升，米粉立即變得更好食，有機會大家一定要試下！
[價錢 Price]
💰$168 (公) 118 (母)
金秋大閘蟹 🦀
我哋叫咗一公一母，大隻啲嘅係公，細隻啲嘅係母。母嘅蟹膏比較實，顏色偏橙紅，味道亦比較濃；公嘅蟹膏比較滑溜，蟹鮮味更重，兩者嘅蟹肉都好新鮮。我哋嘅心得係，如果想平平哋食大閘蟹過下口癮，叫母嘅會相對抵食，而且味道會較易入口，推介俾未食過但又想試下食大閘蟹嘅人食。
食完大閘蟹飲返杯薑菜是常識吧。呢度嘅薑茶用好有特色嘅器皿裝住，好似清酒壺同酒杯咁。店員細心提醒話薑茶好熱要小心，仲貼心地幫我哋酙茶，服務態度一流。薑茶入口有些少甜味，吞落喉嚨後帶後勁嘅辛辣，最適合喺食完寒涼嘅大閘蟹後飲。
張貼
