芳華絕代 (已結業)

每逢夜晚經過都見到座無虛席，心諗呢間餐廳啲嘢食應該都唔錯。基於限聚令關係，疫情暫時都無得堂食了。今次因為某個apps有折扣嘅關係，單點會有半價，飲品同甜品就除外。特別揀咗3點呢個時段嚟食個遲來的午餐，以為呢個時間會少啲人食嘢啦，但地下啲檯都差唔多座滿。我哋叫咗小食拼盤，雞卷丸同素菜春卷味道都幾好，雞翼正正常常，蝦餅唔夠彈牙。泰式燒雞扒飯無咩特別，飛天通菜少少辣好嘢味。叫咗兩杯嘢飲，一杯薑汁蘋果冰茶同薑檸梳打，兩杯都幾好飲唔錯啊！鍾意薑嘅朋友可以一試最後叫咗個雙色芒果🥭糯米飯作為收尾，糯米飯上面嗰層應該係碟豆花同斑斕汁嘅糯米飯，顏色好靚，打咭呃like一流，可惜芒果未多熟，有啲生。。整體上成餐飯都幾滿意，個位又夠冷氣又坐得幾舒服，侍應又幾好禮貌！