影片
更多
2015-11-09
1720 瀏覽
本身我朋友喜歡食蟹粉菜式，知道樂天皇朝唔太貴，所以叫我陪她一齊食並訂了星期五的下午3點，原因為下午3點至5點是下午茶時間，大部分菜式半價，但不幸的事發生了，當日下午1時收到朋友通知突然要去開會，不能與我同行，由於我是一個不喜歡放飛機的人，如果一早有約或有一早有工作在身(包括訂枱，除非改期)，就算外母生日，都不會放飛機，而我不想自己一個人食，幸好最後在萬能的面書召喚下有食友同我一齊食。我不是蟹痴，加上下午茶時間，其實想以半價食下午茶，但見到餐牌有五款大閘蟹及蟹粉菜式，又加上心地唔好，只為了拍照給不幸因公事爽約的朋友，因此點了三款無咁易飽的菜式，再加一客皇朝八色小籠包。先來蟹粉白玉盅($78)，豆腐切得非常細粒，足料蟹膏及蟹肉，湯頭不會太稠，兩人一盅剛剛好。皇朝八色小籠包($98)，幾個月前已為此小籠包而寫了一個食評，可跟貓紙去順序食，原味>人參>鵝肝>黑松露>芝士>蟹粉>蒜香>麻辣，今次我好次食了原味、芝士、蟹粉同麻辣，除原味比較無咁濃味而建議點醋食外，其餘都因其食材比較濃味而不用點醋食，個人比較喜歡鵝肝(今次無食)同麻辣，此兩款之
本身我朋友喜歡食蟹粉菜式，知道樂天皇朝唔太貴，所以叫我陪她一齊食並訂了星期五的下午3點，原因為下午3點至5點是下午茶時間，大部分菜式半價，但不幸的事發生了，當日下午1時收到朋友通知突然要去開會，不能與我同行，由於我是一個不喜歡放飛機的人，如果一早有約或有一早有工作在身(包括訂枱，除非改期)，就算外母生日，都不會放飛機，而我不想自己一個人食，幸好最後在萬能的面書召喚下有食友同我一齊食。
我不是蟹痴，加上下午茶時間，其實想以半價食下午茶，但見到餐牌有五款大閘蟹及蟹粉菜式，又加上心地唔好，只為了拍照給不幸因公事爽約的朋友，因此點了三款無咁易飽的菜式，再加一客皇朝八色小籠包。
先來蟹粉白玉盅($78)，豆腐切得非常細粒，足料蟹膏及蟹肉，湯頭不會太稠，兩人一盅剛剛好。
皇朝八色小籠包($98)，幾個月前已為此小籠包而寫了一個食評，可跟貓紙去順序食，原味>人參>鵝肝>黑松露>芝士>蟹粉>蒜香>麻辣，今次我好次食了原味、芝士、蟹粉同麻辣，除原味比較無咁濃味而建議點醋食外，其餘都因其食材比較濃味而不用點醋食，個人比較喜歡鵝肝(今次無食)同麻辣，此兩款之味道較為出色！
蟹粉豆腐($128)，唔該一碗白飯，其實此蟹粉豆腐食材與白玉盅差不多，不過豆腐又大件啲，蟹膏同蟹肉又多好多，而且又夠杰身，蟹粉味道又濃郁啲，超邪惡之選，撈白飯一流。
蟹粉蝦仁($188)，又係邪惡撈飯之選，可見到有大量蟹膏在蝦仁上，蝦仁夠新鮮，爽口彈牙，蟹粉味道濃郁，食完好有罪惡感。
最後將幾張邪惡食物相片傳送至我爽約之朋友，她想殺了我。
張貼
