芳華絕代 (已結業)

環境坐位舒服，枱與枱之間有一定嘅距離。裝修行懷舊香港路線，有唔少霓虹燈招牌打卡位，但嘢食就非常普通，帶有濃厚港式味道嘅泰國菜。以星期六日都有$65包嘢飲嘅lunch set嚟講，係屬於平靚正之選！不得不提，服務唔錯，又唔會趕人走。*泰式雞肉炒金邊粉 $65金邊粉炒得乾身、唔油。配料有雞蛋絲、豆乾、少量芽菜，雞肉份量合理，少少嚡。味道微微甜，主要偏向香港人鍾意嘅口味。去骨海南雞飯 $65雞胸肉以$65嚟講，份量多，但雞味淡、嚡身，而且冇”三色醬汁”😂油飯油香一般。泰式菠蘿炒飯 $65炒飯乾身，但未夠粒粒分明。配料有罐頭菠蘿、臘腸、雞肉、(討厭可恨嘅)三色豆、提子乾，味道少少甜，係比較港式嘅泰味。青咖喱豬頸肉配飯 $60青咖喱唔會太辣，椰香、味道層次感比較弱，質地偏稀，配料有四季豆，煮得好硬🥲豬頸肉有四五片，夠腍夠油。白飯正常發揮~馬沙文咖喱雞配香酥餅 $60馬沙文咖喱比青咖喱辣少少，椰香味多啲，唔夠惹味，略為油啲。酥餅未夠酥脆，而且份量唔多。冬蔭功海鮮湯 $108冬蔭功少辣，椰香普通，味道有層次感。海鮮有少量小帶子、青口等，味道方面麻麻，配料仲有菇菌、番茄。