更多
2019-09-06
119 瀏覽
放工去咗食新開嘅懷石料理餐廳，喺中環蘭桂坊，喺正串燒店對面。問到師傅點解餐廳名叫 夢 ，南師傅解釋開餐廳係佢嘅夢想，曾經去過墨爾本、悉尼、台灣等地方學師，希望自創特別嘅懷石料理，將飲食文化融會貫通。餐廳內有一半座位能夠近距離欣賞師傅準備菜式，同師傅直接交流，另外，餐廳亦設有露台位置，方便吸煙者。而晚餐嘅價位由1380至1980不等，任君選擇。今次我哋試咗1380 嘅七月季節懷石料理。1. 京都豆腐主要有豆腐，腐皮同高湯木魚啫喱，再配上淺味黑松露，底下仲有啲紫菜。味道清新，豆味濃郁，最特別係個木魚啫喱，咬落去就有淡淡的湯味。2. 八全 懷石料理蕃茄和桃肉粒，味道清淡，酸酸地好開胃。玉子櫻花蝦，配上淡味魚子醬，一入口就有好香嘅鮮蝦味。南瓜百合，質感好似薯蓉嘅南瓜蓉。炸日本白粟米，外表貌似一粒小炸彈，香脆可口松葉蟹球，外面包住一層紫菜碎碎，入面係彈牙嘅蟹肉。低溫八爪魚配士多啤梨醬，八爪魚肉質軟綿綿，配上士多啤梨醬十分清新。3.牡丹蝦配三色米紙 米紙分別有栗米味，墨魚味，同玫瑰花味。整個配搭十分有趣，米紙嘅口感就同平時食開嘅蝦片有啲似。配上牡丹蝦，就有黏笠再加脆片嘅口感，就好似食緊好新鮮嘅零食
餐廳內有一半座位能夠近距離欣賞師傅準備菜式，同師傅直接交流，另外，餐廳亦設有露台位置，方便吸煙者。
而晚餐嘅價位由1380至1980不等，任君選擇。
今次我哋試咗1380 嘅七月季節懷石料理。
1. 京都豆腐
主要有豆腐，腐皮同高湯木魚啫喱，再配上淺味黑松露，底下仲有啲紫菜。味道清新，豆味濃郁，最特別係個木魚啫喱，咬落去就有淡淡的湯味。
1. 京都豆腐
11 瀏覽
0 讚好
0 留言
2. 八全 懷石料理
蕃茄和桃肉粒，味道清淡，酸酸地好開胃。
玉子櫻花蝦，配上淡味魚子醬，一入口就有好香嘅鮮蝦味。
南瓜百合，質感好似薯蓉嘅南瓜蓉。
炸日本白粟米，外表貌似一粒小炸彈，香脆可口
松葉蟹球，外面包住一層紫菜碎碎，入面係彈牙嘅蟹肉。
低溫八爪魚配士多啤梨醬，八爪魚肉質軟綿綿，配上士多啤梨醬十分清新。
八全 懷石料理
5 瀏覽
0 讚好
0 留言
3.牡丹蝦配三色米紙
米紙分別有栗米味，墨魚味，同玫瑰花味。
整個配搭十分有趣，米紙嘅口感就同平時食開嘅蝦片有啲似。配上牡丹蝦，就有黏笠再加脆片嘅口感，就好似食緊好新鮮嘅零食咁。
牡丹蝦配三色米紙
15 瀏覽
0 讚好
0 留言
4.石垣貝，鯊魚皮右口魚薄切
貝肉爽口，配上酸汁啫喱更能帶出鮮甜味，非常新鮮。左口魚，脂肪均勻而且肉質彈牙。
石垣貝，鯊魚皮右口魚薄切
7 瀏覽
0 讚好
0 留言
5.花竹蝦白蘿蔔湯
白蘿蔔片嘅面頭有柚子碎，帶出咗整碗湯嘅鮮味，花竹蝦亦十分爽口彈牙。
花竹蝦白蘿蔔湯
4 瀏覽
0 讚好
0 留言
6.海膽創作料理
馬糞海膽泡沫配上粒粒魚子和澳洲黑松露，加埋個飯底攪拌食，入口有非常之濃郁嘅海膽鮮甜味，好邪惡啊！
海膽創作料理
6 瀏覽
0 讚好
0 留言
7.金錭脆麟燒配龍蝦汁
用油淋上去魚上炸麟能夠做到香脆效果，同時保留到肉嘅嫩滑度，鱗片非常脆口，而肉質十分鮮美。加上廚師刻意利用新鮮龍蝦頭同蔬菜炮製而成嘅濃郁龍蝦汁，好香龍蝦味！
金錭脆麟燒配龍蝦汁
6 瀏覽
0 讚好
0 留言
8.鹿兒島A4和牛
和牛配上煎香嘅洋蔥，手指蘿蔔同紫色甘筍，仲有清深縣薯片，油而不膩。個人十分喜歡旁邊嘅日式xo醬，係廚師加入香料烹調，自家製的。
鹿兒島A4和牛
7 瀏覽
0 讚好
0 留言
9.黑松露Risotto加麵豉湯
一般Risotto嘅米都係半生熟，亞洲人可能食唔慣。所以廚師利用日本糯米代替，米飯口感會較黏口。配上黑松露同埋菇菌，仲有蒜片，成個飯非常惹味。份量亦不多不少，剛剛好。
黑松露Risotto加麵豉湯
4 瀏覽
0 讚好
0 留言
10.抹茶奶凍配自家製丸子
香甜嘅奶凍係用北海道3.6牛乳製成的，而抹茶嘅甘苦啱啱好平衡左整個甜品嘅味道，上面有銀箔仲有自家製小丸子，紅色係由蘿蔔製成的。
抹茶奶凍配自家製丸子
5 瀏覽
0 讚好
0 留言
餐廳仲有自家雪糕機，有別於一般雪糕，佢地牛奶雪糕加咗蛋白，有少少沙冰嘅質感，配上風乾嘅士多啤梨脆片，十成紅豆，蜜瓜粒粒，同外表有啲似炮谷嘅炸稻米，甜得黎，又有啲咬口，非常好味！
遲吓仲會出黑松露口味雪糕，大家期待下啦。
自家雪糕
8 瀏覽
0 讚好
0 留言
張貼
