紅豆冰室

營業中

休息中

本身想去第二間餐廳點知原來執左就walkin附近既依間紅豆冰室。見都幾多人幫襯諗住唔太伏就去試下。下午茶時間叫左沙牛麵，朱奶西多，同迷你焗豬扒飯，兩杯凍檸茶。其實黎到個presentation比我想像中好，見隔離枱既都幾靚，多人staff又好忙又鬧交咁制但黎到啲野食又唔會話好混亂。而且仲幾好食，塊豬扒好嫩，我自己覺得好食過大家樂既焗豬，而且好香，我係隔離枱個食客本身食緊焗豬，我無諗住叫焗豬，係比佢香味影響左我落order～不過朱奶西多就麻麻地，味道唔係好夾，西多偏硬，見係推介先叫。沙牛麵正常操作，唔會話好難嚼爛，都軟熟，但最欣賞佢跟餐係牛角包而唔係西多/餐包👏🏻服務黎講，多內地姨姨，佢地應該係未熟廣東話所以同我講左普通話。不過我唔介意既我聽得明，但我朋友就唔明（佢外國番來），而且因為好忙關係佢地係個鋪頭好大聲鬧交，小小嚇親。諗尾埋單先見原來限時60分鐘，不過野食黎得好快，我地都唔使60分鐘就食完。