瘋狂小面 (佳德商業大廈)

營業中

休息中

疫情嚴重，多左叫外賣既機會，係外賣平台見到呢間店，聽個名，以為間店得面食，估唔到都有d川味火鍋食。沸騰二人豐盛套餐 $258係爐魚同牛肉中，食肉獸既我梗係簡左牛肉啦，仲包2碗白飯。不得不贊外賣鍋既設計，係超級穩陣，好似杯面既封口咁，雖然佢裡面湯料都唔少，但好安全咁送到黎，所以就算要拎比較長途既路都唔怕，配埋加熱架同酒精罐，令你唔駛開爐都可以嘆一嘆🔥鍋。個鍋都幾重份量，所以一開頭加熱需要d時間，不過放心，我地慢活咁食左2個幾鐘，個火都未熄。套餐仲包2碗白飯，鍋裡面除左主菜牛肉之外，仲有旺菜、土豆片、蓮藕片、芽菜、金針菇、萵筍同午餐肉。土豆片同蓮藕片都係薄切，所以係好入味。牛肉亦都好嫩滑，個湯底好，睇得出裡面有幾款唔同既辣椒調製，簡直係色香味俱全。我地最後留左個湯底，第日拎黎打邊爐，MM7😋。成都老冰粉 $18好好既解辣甜品，而且唔會太甜。如果怕辣野太熱氣或解辣，可以加叫飲品，除左汽水之外，仲有加多寶、自家製既烏梅汁、羅漢果冬瓜茶等解熱飲品，都係加$10-$12到。