金樂軒雞煲魚鍋

營業中

休息中

今日老細出trip可以準時放工, 甘開心緊係約埋同事一齊去啤啤佢啦, 飲啤酒第一時間就諗起雞煲簡直係絕配, 聽同事講佢之前係北角試過一間幾好食既雞煲叫金樂軒, 甘我地就決定去試下, 我地4個人去食坐一張圓檯坐得都舒服唔迫由於我地4個都鐘意食辣所以要左中辣雞煲, 店員仲介紹左另一個招牌菜酸菜鮮魚鍋中辣雞煲: 雞煲醬汁夠辣惹味, 薑 洋蔥 辣椒爆得夠香, 雞肉新鮮嫩滑, 雞煲里面仲有冬菇同豆卜, 個豆卜吸曬D醬汁好正, 雞煲個湯底濃郁 配菜我地就嗌左-牛白肉同安格斯牛頸脊肉質嫩滑重牛味, -田雞好滑 ,-墨魚滑滑嫩有彈性, -鴨血爽口-鮮蝦菜肉雲吞餡夠新鮮足料酸菜鮮魚鍋, 用左籠躉魚肉質鮮嫩又夠大塊, 湯底濃濃鮮魚味夠酸辣開胃, 鍋里仲有好多菜夠健康同事再嗌多個辣炒土豆絲, 土豆絲口感柔軟，入口即化辣辣地好味我地幾位同事都食完好飽好滿足。