串里 (已結業) 查看

以前有時都會同朋友返大陸按摩💆之後一定會食下燒烤串燒🍢疫情之下都好耐🈚️食，有啲掛住呢個味道。記得上次去荃灣麻辣風雲嘅時候，地下嗰層有一間食燒烤嘅，就去試吓。大門雖然唔係好顯眼，但係一入到去餐廳環境好光亮，牆上仲有一啲好似指示牌嘅poster，感覺都幾舒服。之前見到大家推介邪惡串里秘製雞皮，鍾意食雞皮嘅我梗係要試吓😍大大塊嘅雞皮非常香脆，擺盤仙氣十足，碟底會出煙架😆原條燒茄子同蒜蓉燒生蠔上面都舖滿蒜蓉🧄啱晒鍾意食蒜蓉嘅我😍牛油蒜泥雜菇以錫紙包住燒，唔驚會乾曬，而且份量都OK。串燒我哋每樣點左一款試吓，包括有豬頸肉、牛肉餅、芝士腸、牛丸、羊肉、牛肉、雞腿肉。整體來講，調味做得唔錯，唔會太鹹或者太辣，仲好香口惹味添😋比較特別嘅係某啲款式可以自選添加芝士、明太子或者黑松露一齊燒。另外一樣好特別嘅係特大棉花糖加夾餅乾🤩梳打餅夾住搬溶化嘅棉花糖，鹹鹹甜甜咁，可以當做飯後甜品😌