去開深水埗，經過呢間火鍋放題見到入邊都好多選擇，所以一於入去試吓😋 因為同行朋友唔食辣，所以我哋叫咗藥膳鮮雞煲湯底，可以補下😌雞肉嫩滑，藥膳味很濃很香😋 原來仲有日式刺身，我哋叫咗三文魚刺身，好肥美新鮮呀😋 牛肉拼盤：牛舌心、極上牛肩嫩肉、牛板腱、封門柳，每款牛肉都好香濃，牛味亦都好濃😋油脂分布平均👍🏻 玻璃豬腩片淥耐咗都唔會肉質變老👍🏻一口自家雲吞、一口自家韮菜餃，真係一口一啖😋自家製真係好好味，10分推薦👍🏻😋 豬肉丸、丸筋丸都唔錯！豬肉丸入面有豬肉餡，仲好juicy😋手打魚腐、豆卜夠晒索味，食嘅時候真係好香濃嘅藥膳味😋 當然唔少得要食雪糕，我哋叫咗荔枝味同雲呢拿味荔枝味好清香要雲呢拿真係入邊有雲呢拿籽，雪糕味道唔會過甜，好味😋

早排打風又落雨，假期見好天就想去沙灘同陽光玩遊戲🏖朋友提議入馬灣行下，順便可以食埋buffet，話餐廳位置個景好靚，🉑️以一邊食buffet一邊望住個海、汀九橋同埋青馬大橋🌉夜晚着曬燈真係好靚好有氣氛😌 一入去就見到有熱熔芝士，作為芝士控嘅我真係即刻攞嚟試吓啦～暖暖地嘅拉絲芝士鹹香味重，配多士或薯仔食都好好味😋 食自助餐又點少得海鮮冷盤。波士頓龍蝦肉質彈牙‼️麵包蟹夠多膏‼️長腳蟹腳鮮味多汁‼️仲有大大隻翡翠螺、青口同埋海蝦。 今次餐廳嘅主題係「盛夏果漾海鮮自助餐」，所以有好幾樣菜式都以鮮果入饌，例如士多啤梨醬燒杜洛克豬排骨同香煎鴨肝多士配楓糖香橙醬。本身呢兩樣食材都比較油膩，配上鮮果之後感覺冇咁膩，食多兩件都唔怕🤣 佢哋嘅甜品種類都唔少，而且配合主題好多都係有生果喺入邊。柚子綠茶餅食落好清新‼️法式士多啤梨餅好creamy‼️白桃寒天口感彈牙又清爽‼️當然唔少得食返幾杯Movenpick雪糕啦🍨 我哋由天仲光嘅時候開始食，食到天黑，睇住個天變暗跟住條橋着燈，真係幾有mood~

之前啲人話馬鞍山係美食沙漠🏜️而家真係唔同曬～今次朋友就帶咗我去試一間由韓國夫婦打理嘅韓國菜小店，喺門口等位嘅時候見到好多人外賣炸雞🥡仲有pizza🍕感覺好正咁😆 由於我哋得兩個人所以無嗌到Pizza，但係就叫咗一份無骨炸雞二重奏 (蜜糖芥末 + 雙重芝士)🍗份量真係好多，食唔曬咁滯🤣外脆內軟嘅炸雞配上甜甜地嘅芝士粉🧀真係食到舔舔脷😋蜜糖芥末口味好惹味🍯因為有醬汁，食落亦都無咁乾‼️ 鍾意食芝士嘅我哋梗係要點焗芝士年糕，果然無揀錯‼️煙靭嘅辣炒年糕上面鋪滿厚厚嘅拉絲芝士，捲住一齊食真係好滿足😌最特別嘅係拌碟係炸紫菜粉絲卷嚟架🤤 朋友勁鍾意飲韓式湯品，一於試吓辣牛肉湯配白飯。以石鍋上嘅湯上到枱都仲滾緊，加上辣辣地，冬天食一定超正。 飯卷類通常只係lunch先有，因為我哋好想食所以就問吓，點知原來佢哋仲有少量嘅烤牛肉飯卷。每一件飯卷都包住滿滿嘅材料，正👍🏻

我哋叫咗course B 。店員將一份舟盛、桶盛比咗我哋先，而店員會幫我地燒原隻魷魚👍🏻肉質爽口又唔老😋記得襯熱食呀～ 呢度係採用列車送上食物，要㩒制開門拎食物，拎咗食物之後㩒制閂門。送菜速度好快👍🏻 好多款嘅牛舌，包括：薄切上等牛舌芯、炙蔥花牛舌、極上厚切牛舌、特上牛舌棒等。真係滿足到我想食牛舌的願望😍我勁食牛舌😆牛舌好入味又好嫩溫。真係食唔停口😋 壺漬牛肋肉好特別，配上店長的醃製調味料，好入味，味道好配合又嫩，好好食😋👍🏻 薄切牛脊肉好好味，加上沾埋日本雞蛋，嫩滑爽口又鮮甜美味😋 豬頸肉加埋蒜蓉一齊燒超香，吸收蒜油，肉質好爽👍🏻😋 炸雞外脆內軟，多汁又唔厚粉，加埋沙律醬正呀😋 甜品係每個放題嘅重點😂今次有好多款日本雪條選擇，我當然揀了我最鍾意嘅曲奇🍪口味，好好食😋 整體黎講，食物質素好好👍🏻又超多款色！下次會帶屋企人黎再食👍🏻😋

朋友話帶我去試吓創意越南菜，確實又真係幾創新，重點係味道真係唔錯😋我哋兩個人都點左唔少野，仲要係食得曬喎😂 《NVN咖啡骨》 係一款睇得食得飲得又玩得嘅菜式‼️但睇賣相真係會以為係一杯棉花糖特色飲品🤣將咖啡淋落鬆軟嘅棉花糖上面，睇住佢溶化，感覺好治愈😌杯仔細細，入邊嘅排骨都唔少，而且炆得入味又鬆軟，軟骨位一咬即開。味道有啲似肉骨茶，但甜啲同多咗一份咖啡嘅甘味。 《惹火上身鹹檸豬頸肉》 店員會喺你面前點火🔥增加視覺效果。由於啲火好快就熄，所以啲豬頸肉其實係唔會燒燶，但就多咗一分「火氣」😆 《火龍芒芒蝦仁配脆蝦片》 呢款小小嘅顏色好鮮艷，喺蝦片上放滿粉紅色嘅火龍果同芒果蝦沙律，酸酸甜甜。連埋蝦片一齊食，都唔會覺得油膩反而好清新。 《脆米紙薄餅》 睇落好似薄餅咁，喺炸脆咗嘅米紙上鋪上紅蘿蔔同青瓜絲及臘腸粒，再加埋千島醬，同另外一款小食一樣，香口得來唔油膩，尤其是呢款臘腸偏甜又煙韌，口感同味道都更豐富。 《嫲嫲南越湯招牌金邊粉》 一碗粉有齊牛丸、牛肉、牛筋腩，仲有一條油炸鬼可以點湯食，都幾特別。金邊粉掛上濃郁嘅牛骨湯底，每一啖都好滋味。 《香茅青蘋果茶 & 斑蘭龍眼茶》 呢兩款自家製嘅飲品唔會好甜，包裝仲好靚，好似一支洋酒咁。蘋果茶好清新，而龍眼茶就濃郁少少，係我鍾意嘅味道😍

之前已經食過，近排又心思思想食蝦蝦燒😆襯天氣仲係涼涼地就去食先～ 一坐低，已經見到職員將d蝦放上爐度燒緊，咁我地可以慳返時間🉑️以即刻出去拎其他食物👍🏻而每位客人都有一串白鱔，肉質肥美仲好鮮甜😍 海鮮方面，我哋拎咗生蠔🦪扇貝、大蜆等。每款海鮮都好鮮甜‼️好新鮮‼️我地仲放咗d蒜一齊燒，別有一番風味😋大蝦嘅蝦頭好多膏肉質夠爽‼️而蠔又夠飽滿👍🏻 我哋都有拎啲唔同嘅肉串，丸類同蔬菜菇類。我最鍾意嘅係羊肉串同豬踭肉。羊肉串加啲孜然粉同椒鹽嚟燒真係超正🤤而豬踭肉比較厚身，所以我哋界左兩刀，咁會比較易燒熟🔥肉質好淋，真係好好味‼️ 另外呢度都有好款小食，例如涼拌魚皮，好爽口辣辣哋好開胃，真係食唔停口😋😋 最後梗係要食埋個甜品啦🍨有雪糕、雪條、吱吱冰，好滿足呀～～～😆😆

牛肉係打邊爐嘅主角之一，既然係咁就梗係要食好啲，食和牛就啱啦。要食得爽就梗係食任食啦😆 8️⃣款嘅鍋底中我哋揀咗台灣麻辣火山鍋，職員會淋上清酒再點火，造型好吸引眼球。湯料都好豐富，有蓮藕、木耳、鴨血、冬瓜同埋和牛。最重要嘅係唔會太難，啱晒我呢啲唔係好食得辣嘅人～ 除咗任食嘅和牛之外，每枱會🈶️一份海鮮拼盤、一碟A5 和牛肉眼同埋一個黑樺牧場3層架。海鮮拼盤包括蠔、元貝、蝦，職員淋上玫瑰酒之後點火，再冚蓋烤焗，咁樣食有微微朝香，更加惹味‼️A5和牛肉眼佈滿雪花，入口即溶🤤3層架就有豚肉、牛肉同真材實料嘅手打丸‼️ 至於任食嘅和牛就有上肩胛肉、牛前胸、特上降霜牛小排、牛小排、肩胛梅花、牛頸脊、千本筋、玉子後腰肉，全部都係油脂分布好平均，入口即化，牛油味充滿整個口腔，非常高質😍 仲有兩樣好特別嘅就係香港好少有嘅牛胸爽同埋香氣撲鼻嘅 #醉玫瑰日本佐賀名水豚梅花肉 🐷以玫瑰花走醃製過嘅薄切嘅梅花肉肉質好嫩，而且有淡淡的玫瑰花酒香味，呢個味道真係令人回味。 最後食返埋雪糕同飲埋佢哋嘅自家製特飲就圓滿啦～佢哋呢度仲有酒師駐場，依家清酒亦有大優惠，下次再試吓先☺️

食泰菜就梗係九龍城多選擇啦～朋友之前試過泰象館泰國餐廳話唔錯就再去幫襯下😆 佢哋嘅lunch set都幾抵食仲包一杯野飲，唔係汽水嗰啲，叫龍眼冰都得，椰汁珍多冰，就加$5 👍🏻咁我哋一行四個大食之人就點咗3⃣️個set lunch同幾樣小菜。 青咖喱雞飯嘅青咖喱唔會泰勒，有好香嘅椰汁同香葉味‼️ 海南雞飯嘅雞肉都幾嫩滑，配上薑黃飯好味道呀‼️ 香葉炒豬肉碎飯香口又惹味‼️ 生蝦刺身鮮甜爽口，配上生蒜片同泰式海鮮辣汁，係我嘅favourite‼️ 酸辣鳳爪沙律味道酸酸辣辣，清新又開胃，仲要唔使吐骨，真係好正‼️大大嚿嘅泰式炸蝦餅，炸得外脆内軟而且肉質彈牙，點埋個甜辣汁真係食唔到‼️冬陰功湯材料都幾足，大蝦嘅蝦頭仲有膏嘅添～

好多時唔知食咩嘅時候就會去食麵，但係冇諗住食麵就一定好求其😆旺角呢間霓虹光管做裝飾嘅麵店好有誠意👍🏻 「鐵三角蠉鮑蟹海鮮湯幼麵」嘅湯頭有好濃郁嘅海鮮味，味道香濃鮮甜，原來店家係用太涼嘅海宇同埋蝦頭熬製而成。由於比較杰身，每一條麵條都掛上湯汁，好正。配上青口、蟹柳、蜆、蠔同鮑魚，所有鮮味出曬嚟😆 「好鬼補雞湯麵」嘅雞湯係由雞骨熬製而成，湯頭清淡而不膩，有濃郁嘅雞香味，配上花膠、魚肚、冬菇、雞件。雞肉係冇骨嘅肉質好滑。 小食黄金單骨雞翼炸得香脆，外皮充滿鹹蛋黃嘅鹹香味，好邪惡不過勁滋味🤣而黃金炸生蠔都幾大隻，咬落去好creamy又juicy。

鍾意飲珍珠奶茶嘅我都好鍾意食台式料理，同朋友喺屯門時代廣場逛完之後就周圍搵吓有咩嘢食，見到九份飽呢間小店門口咁多人排隊應該都唔錯，一於試吓佢～ 餐廳入邊嘅裝飾好有老台灣嘅感覺，木枱木凳好有風味。 香酥雞扒魯肉飯份量都唔少，雞扒炸得香酥內軟，肉質幾嫩滑。魯肉係切丁嘅五花腩，但係入口即化一啲都唔肥膩，侮辱再加埋啲汁撈飯一流👍🏻 紅燒牛肉米粉牛肉好大舊又入味，軟淋唔會韌。每啖米粉都掛上濃而不膩湯汁，好味道。 即叫即炸嘅酥炸魷魚鬚，熱辣辣又香口，份量都唔少。 胚芽珍珠奶茶同埋黑糖鮮奶都唔錯。芋圓仙草荳奶都幾特別，芋圓口感煙韌有咬口，加上淡淡嘅豆香同滑脫脫嘅仙草，又幾好味。