和氣食堂 (河畔花園)

營業中

休息中

是日夜晚8點經過河畔，喺附近巡視咗一陣，諗唔到食乜好。見呢間冇乜人就入咗去坐低咗。😅自己掃碼點餐，等咗都幾耐，約莫15分鐘先出到餐。我哋點咗豬扒丼同黑蒜拉麵。黑蒜拉麵之前都食過，質素一般，$79+10%，拉麵價錢都係咁上下啦。除非特別有名氣先會索價過百元。我俾出面個大餐牌吸引咗，一直都想試吓呢個豬扒丼，好似好正咁，都要$90+10%，唔算平。嚟到見到座超巨型椰菜絲山。用匙羹撥開啲椰菜絲，見到塊薄薄嘅豬扒，切開做大約五條手指般嘅幼條，吉列唔脆而且肉質仲硬倔倔添。大家有興趣都可以試吓嘅。😏算啦，這個價錢唔好期望太高，只能嘆句「百物騰貴」，想食質素好啲嘅只能再俾多少少💰了。