影片
更多
2020-02-27
149 瀏覽
呢日要返Office跟跟啲嘢，朋友呢輪都喺長沙灣返工，所以約食久違嘅Regular Lunch哈哈。條友最鍾意食日本野，所以我特登帶佢嚟試下呢間新開嘅居酒屋餐館🏮，我自己都未試過！餐廳喺楓樹街遊樂場對面，都算易搵。餐廳細細，容納約20人到，其裝修亦幾唔錯，居酒屋風，格調偏黑色。牆身用上唔少鏡面，增加空間感，同時再寫上食物同價錢，同畫畫，你懂的💛。餐廳好似主要係賣串燒同定食套餐，我哋嚟食晏，所以就一人一個Set好了🍱。定食有七款揀，由$48-$78，唔收加一，跟味噌湯、沙律、前菜同水果，飲品加$6-$10有可樂、玉露或咖啡。留意返呢到賣嘅係全日定食套餐，即係晚市都係呢個價錢，超抵啊👍！我要咗和風玉子牛肉丼($68)，牛肉用上安格斯三角肩胛肥牛，真心覺得比起平日一般打邊爐嘅肥牛好食，有啲似好薄嘅牛扒片🐮，牛肉片份量同大小都正常。丼飯超級大個，飯量十足，我差啲食唔哂🙈。丼飯上面仲有隻溫泉蛋添，督開佢之後爆哂汁，但撈埋後個飯就濕咗少少。我朋友要咗豚肉生薑燒定食($58)，呢個嘅造型同我碗飯唔同，飯同餸分開上。🐷豚肉生薑燒份量又係巨人級，豚肉仲要有勁多片，而且好濃薑味，唔錯！豚肉另一邊就放咗好多
呢日要返Office跟跟啲嘢，朋友呢輪都喺長沙灣返工，所以約食久違嘅Regular Lunch哈哈。條友最鍾意食日本野，所以我特登帶佢嚟試下呢間新開嘅居酒屋餐館🏮，我自己都未試過！餐廳喺楓樹街遊樂場對面，都算易搵。
餐廳細細，容納約20人到，其裝修亦幾唔錯，居酒屋風，格調偏黑色。牆身用上唔少鏡面，增加空間感，同時再寫上食物同價錢，同畫畫，你懂的💛。
餐廳好似主要係賣串燒同定食套餐，我哋嚟食晏，所以就一人一個Set好了🍱。定食有七款揀，由$48-$78，唔收加一，跟味噌湯、沙律、前菜同水果，飲品加$6-$10有可樂、玉露或咖啡。
留意返呢到賣嘅係全日定食套餐，即係晚市都係呢個價錢，超抵啊👍！
和風玉子牛肉丼
$68
4 瀏覽
0 讚好
0 留言
我要咗和風玉子牛肉丼($68)，牛肉用上安格斯三角肩胛肥牛，真心覺得比起平日一般打邊爐嘅肥牛好食，有啲似好薄嘅牛扒片🐮，牛肉片份量同大小都正常。丼飯超級大個，飯量十足，我差啲食唔哂🙈。丼飯上面仲有隻溫泉蛋添，督開佢之後爆哂汁，但撈埋後個飯就濕咗少少。
豚肉生薑燒
$58
4 瀏覽
0 讚好
0 留言
我朋友要咗豚肉生薑燒定食($58)，呢個嘅造型同我碗飯唔同，飯同餸分開上。🐷豚肉生薑燒份量又係巨人級，豚肉仲要有勁多片，而且好濃薑味，唔錯！豚肉另一邊就放咗好多沙律菜🥗。
有啲搞笑嘅地方係我個牛肉丼無沙律跟到，而朋友嗰個就無水果🙈。不過我哋都飽同埋Share食，所以就無問到店員，無乜所謂啦。味增湯夠哂熱，前菜就係醃漬。至於水果係半個橙🍊，原來仲切咗粒添，可以拮嚟食好方便，估唔到個橙咁甜的。
巨峰提子玉露
4 瀏覽
0 讚好
0 留言
飲品我哋都加咗$8要巨峰提子玉露🍇，本身以為係罐裝嗰隻，點知係杯裝上，仲要勁大杯，都幾好飲。
總括嚟講，呢間新開嘅和風小店確係唔錯，全日定食性價比極高，而且都幾好味😋。環境靜靜哋又幾好坐，有機會我都會夜晚嚟試下串燒。女店員服務態度幾好幾有禮貌，又會不斷幫我哋加茶。我希望小店可以逆市中好好加油💪。
張貼
