蘇媽.蘇媽馬來西亞茶餐室 (已結業)

經過尖沙咀見到呢間餐廳門面裝修得幾高檔，望一望原來係蘇媽.蘇媽馬來西亞餐室，之前都食過呢間餐廳幾次，尖沙咀呢間係第一次食。檳城福建蝦麵：麵煮到軟硬適中，湯底濃郁得黎仍然有蝦既鮮味，蝦肉爽口既，腩肉肥瘦均勻，豆卜索晒湯底，好入味。馬來西亞拉茶：拉茶第一啖飲落口，即有喜出望外既感覺，除左有茶既香味之外，仲帶有一陣淡淡薑既味道，同茶香配搭得非常好。椰香咖央多士：多士係暖暖地，似係岩岩整起，牛油夠晒厚，加埋咖央醬，咬落口外脆內軟，牛油入口即溶。