賀喜 (雲疊花園商場) (已結業)

日本菜一向都係我至鍾意食嘅菜式之一，今次就去到朋友屋企附近，大圍嘅一間日本菜餐廳-賀喜，慶祝朋友嘅生日。餐廳門口方便泊車，揸車人士唔使驚無位泊。餐牌食物圖文並茂，最吸引我就係御膳定食圖片！先叫了刺身日本池魚，真係原條即叫即切，一份有六片，驟眼睇都非常新鮮，食落去帶一點爽口的口感，點一點酸汁更加開胃。隨即叫了一些飲品，乳酸梳打可以爽一爽喉嚨！御膳套餐中有多款選擇，我哋最後各人選擇了C餐-日本磯煮鮑魚雜錦魚生丼以及 H餐-牛仔骨柚子燒配三色刺身。當中H餐的三色刺身中的帶子很鮮甜，牛仔骨質感很軟熟，而且很入味，撈飯一流。串燒的煙肉車厘茄的煙肉很脆口，車厘茄一咬多汁，非常Juicy。最後點了日式炒雜菜清一清腸胃，蔬菜很爽口，味道清清地。還有南瓜西米露糖水。這一餐日本菜真是豐富，兩人只係$650埋單，食物質素高，所以感到值回票價。