賀喜 (雲疊花園商場) (已結業)

WFH成日係屋企，Lunch都係附近食，有日覺得太悶就行遠D搵食，見到連著有2間日本野，就求其揀咗一間。 Lunch由熟食既$58至刺身壽司既$168，可以話豐儉由人。北海道刺身定食 ($85)刺身有八爪魚、三文魚、劍魚腩、甜蝦及帶子。 八爪魚&甜蝦同屬正常水平；三文魚厚切三件，肉質柔軟，因非魚腩位置魚油唔算重；劍魚腩係全碟刺身最正! 肉質較厚實，魚油充足，味道甘甜!! 帶子就切得較薄身，加上唔知點解放咗片檸檬係兩件帶子中間，所以鮮味被檸檬味蓋過咗定食包埋味噌湯&茶碗蒸湯唔會好咸，正常水平；茶碗蒸裏面有冬菇及雞肉，可能水的份量較少，無坊間的滑，但蛋味就較出。

賀喜❤️去大圍同朋友食午餐😍😍輕輕鬆鬆傾下計👍👍食下日本菜，當去日本旅行✈️日式銅燒烏冬😋$68烏冬有隻天婦羅炸蝦、日式海鮮配烏冬，跟餐有2件卷物，抵食👍鹽燒鯖魚定食$56😋鯖魚好大條，而且用咗少少鹽去醃👍👍配白飯一流餐廳環境有點逼夾，枱與枱之間太近🥲🥲如果空間大d，會坐得舒服d👌地址：大圍田心街雲疊花園商場地下5號舖整體評分：3.5/5環境：3/5味道：3.5/5抵食：4/5

大圍雲叠花園商場有一間日本壽司刺身店，剌身非常新鮮，多款精緻壽司，拉麵，炸蝦天婦羅，芝麻雞翼都味道不錯，。👍🏻👍🏻好彩的時候，季節性的日本蠔，又肥美，睇見已經流口水😋😋😋

突然好想食日本野諗起附近有呢間好細既鋪但個級數唔差好似有幾間分店🤔門口係咁2望下就入去入到去二維碼填紙仔咁揀同印象中一樣好細坐低睇Menu第一個限量係鰻魚飯 唔使問都知無因為得5份之後見到限量十份既刺身飯（櫻花XXX)問下已經最後一份點解要食限量野？一係日日都新鮮一係無咩錢賺自己諗個女仔好好即刻幫我入單等正餐前有蒸蛋麵豉湯都正路野無特別主角黎到見到份量唔少個樣好新鮮食落好過好多大鋪$68性價比極高之選係八爪魚比例有d多下次可能會試另外幾款刺身飯

平時黎大圍經過成日見到呢間小店，但一直冇機會食。今次終於試下，點知真係幾高質～同屋企人一人叫左一個丼飯，刺身樣樣都厚切同新鮮，好好食🤪屋企人嗰個係三文魚拼韓國海膽飯 ($108)，海膽完全冇苦澀味，另外我地又叫左幾件加拿大海膽壽司 ($38/1)，每件都俾足料，唔似出面咁得幾片，而且好creamy，好正😍😍😍店員幾nice，又坐得幾舒服，價錢又算抵，見lunch menu仲平！會再encore～🥳

雖則話日式隱世小店，原來美孚係有分店。喺大圍嘅店舖位置不太好走，座落喺雲疊花園商場，大部份幫襯嘅都係街坊，除此之外都係慕名而來。而我呢....就係靠OpenRice先至發現有依一間隱世小店。最近天氣炎熱...就係想食清新嘅刺身飯。一入鋪頭，差不多座無虛席，店舖間隔細但係冇壓迫感。我同朋友坐低即落單。我哋分別叫咗刺身飯同燒雞飯，侍應話燒雞要等15至20分鐘，因為係即燒，即刻感覺好有誠意。望吓餐牌，每個餐都只係$80左右，好抵食。首先係我個刺身飯先到，青瓜海膽口感新鮮，三文魚質素都好高，物超所值！個餐仲跟埋一杯嘢飲、麵豉湯、蒸蛋，全部都好好味但令我驚喜嘅係朋友嘅燒雞，比我個刺身飯做得更出色，雞肉好嫩口，燒汁滲入雞肉，成個配搭好出色一定會再幫襯

今晚第一次幫襯，已是8時後才到，店員態度意外地十分十分差，好似已經忘記咗疫情期間無吔生意的時代。就算食物幾好食，都食列一肚氣。一定唔會再來幫襯。同樣價錢，仲有好多好的日本餐廳可以選擇。總之，一肚氣😡😡

今日天氣好熱，吾想食熱野做lunch !行到雲疊花園見到有間日式小店，又吾洗點排隊，就入去食啦！🍣小店set lunch 以日本餐廳來講都算平民化價錢，我叫左份大和壽司定食$76（油甘魚、三文魚腩、北寄貝、帶子、甜蝦、泰卷）壽司各一件，食材都算新鮮，仲有埋烏冬同蒸蛋，不過烏冬略嫌好似淋左少少！午餐黎講算抵食嘅，上餐又快，不過因為我今次因為冇位同埋只有我自己去食飯，被安排坐bar檯，坐位真係有啲迫同附近有好多雜物，走嗰陣時都有D困難😊

抵食lunch Set，抗疲時段所以轉全時段都有依個set 餐.晚市勁抵食.Set餐款多有A-M咁多個餐分別：刺身、壽司、拉麵、炸物、肉類.北海道刺身定食（$85）：茶碗蒸、麵豉湯、2隻有頭甜蝦、2片帶子、2件油甘魚、3件三文魚、2塊八爪魚、一碗白飯刺身都新鮮，帶子有啲薄，油甘魚唔會有魚腥味入口帶少少鮮甜味，三文魚好厚切入口化，甜蝦鮮甜之餘帶彈性.茶碗蒸：有冬菇、蟹柳、雞肉，啱啱蒸起所以好滑.大和壽司定食（$76）：豬骨湯烏冬、茶碗蒸、甜蝦壽司、三文魚壽司、油甘魚壽司、帶子壽司、北寄貝壽司、加州卷烏冬係稻庭烏冬湯底好湯豬骨味.北寄貝略微薄、加州卷材料豐富.PS:星期六、日及公眾假期需加一 埋單仲會送口罩

今日12:15 等位等到 12:35坐低已經即刻落單2個lunch Set A & Set I食物去1點仲未黎 問佢原來漏左單🤦🏻‍♀️Set A 就隔左10分鐘就黎左個飯分量少到.... 正常size匙羹食兩啖就冇咗個烏冬就出前一丁味精湯底個蒸蛋一啲都唔滑嚴重俾張相呃哂$138 同樣價錢 出邊大把選擇 去到1:15 個Set I 仲未黎即刻埋單走😤 佢仲話就快得得都食唔切啦如果時間多都唔會再黎食 更加唔會推薦朋友嚟食😤😤😤番工時間更加唔好去食

午市時間，學生哥還未來，餐廳不算人多，下單後等了25分鐘還未有得食，唔緊要，唸著再等下，最離譜係隔離有台人遲我地15min先到，叫相同野食，佢哋竟然有得食，我立刻投訴話我地黎先咁多點解唔係俾我地先，侍應竟然厚顏無恥咁叫我地繼續等，仲照擺低比遲黎先上岸個位！完全亂曬大龍，浪費時間，一句sorry都無，仲話比個蒸蛋食住先wor，果下直頭火都黎埋，最後頂唔順立刻走人，唔幫親佢！d侍應都十下十下，完全唔識做生意！劣店！

食過幾次隔離間豬屋諗住試下呢間賀喜啦！見午餐唔錯叫左兩個餐🍱🍱一個煎三文魚扒，一個汁燒牛舌好啦！等左四個字先黎一個三文魚扒餐塊扒真係薄得可憐喇， 男人食左等於無食咁雖然個餐唔係貴，但無性價比可言，味道就咸咸地ok la！然後跟餐送的蒸蛋同麵豉湯都係平平無奇再等多幾個字，忍唔住問啲waiter個餐到未隔離台遲過我啲入幾個字都到左野食足足等左35分鐘個牛舌餐先慢慢出黎一黎到真係黑人問號⁉️得啲洋蔥同幾片牛舌唔明點解可以整咁耐拿！整得耐無問題嫁！個重點係勁勁難食，牛舌羶死了，無調味嬲到相都無影我食左一塊就無食對唔住都係要浪費成個餐，真係食唔落🤮🤮兩個餐加埋食左139蚊真係好後悔無食隔離”豬屋”一定會開心好多😣😣

今日同朋友去大圍慶祝生日，因為朋友好鍾意食日本嘢，朋友又剛好住在大圍附近，咁我就請客去賀喜試一試佢啲日本料理。首先我哋叫咗個日本手釣池魚， 見到師傅刀工純屬即叫即切新鮮池魚， 個人覺食落去都口感新鮮，因為如果你係出面街或酒店食啲池魚，佢哋都雪到硬棍棍，但佢呢一條魚即叫切畀你，個口感同埋新鮮感係與別不同，跟住剩下條骨店員會問你想擺落麵豉湯煮定係炸嚟食係與別不同，感覺很窩心。因為我喜歡飲魚湯，於是我們選擇了麵豉湯， 池魚骨入面再加麵豉湯，真係第一次試!刺身壽司定食： 定食其實種類很多，包括三文魚、吞拿魚、帶子同埋蟹， 海膽壽司、 三文魚壽司、 吞拿魚壽司同埋蟹子壽司。以我個人當然就最鍾意食佢嘅海膽壽司 ，個人覺得海膽壽司頗為新鮮同鮮甜，口感一流! 同埋佢嘅帶子我係食到鮮甜味。日式鰻魚炒飯: 呢個日式鰻魚炒飯，炒飯比較新穎，佢用咗鰻魚汁去炒飯，鰻魚粒粒亦不少哦！大家可以睇下我post嗰啲圖睇下佢落咗幾多鰻魚。我哋亦叫咗鹽燒五花腩串、 汁燒雞肉串燒、 鹽燒牛肋條同埋串燒煙肉車厘茄。 每一條串燒燒得啱啱好冇話燒到好燶咁樣。 我個人就幾鍾意佢嗰個五花腩串燒因為啲肉肥肥哋 、同埋 啲油同埋d肉汁喺個

朋友介紹得知大圍有間隱身日式料理店，所以就膽粗粗嚟試下，今次嚟到「賀喜」。生蠔刺身見佢成個刺身廚房放出嚟，又見佢d刺身幾靚，所以就叫咗2隻生蠔。生蠔超新鮮同埋好肥大，無異味，而且食到有海水味，相信一定喺即日嘅新鮮貨🤤🤤🤤。松葉蟹腳沙律蟹腳同生蠔一樣都喺好新鮮，因為食落無霉口無異味，d蟹肉嘅質感一食就知新質野，因為有刺身嘅鮮甜日本磯煮鮑魚雜錦魚生丼呢個魚生丼真喺值得再返去食🤤🤤。鮑魚煮得超級入味，醬料嘅鹹味同鮑魚肉好夾。魚生就夠晒新鮮。伴碟嘅漬物超好食😂😂鍾意食日式漬物嘅我全程俾漬物吸引住。日式叉燒烏冬日式叉燒做到表層有肉香，內層有油脂香。但喺麵質值得講下，佢軟得嚟又有彈牙口感。平日出面食日式拉麵，麵條好似像根咁又硬又彈，呢道麵條出品喺又軟又彈，所以幾特別下。今次仲叫咗其他野食嘅，例如清酒煮蜆、牛油蒜炒雞腎、蕃薯、南瓜天婦羅，留返下次再嚟食，再講一講味道如何。

朋友喺大圍住我屋企附近有間唔錯嘅日本嘢， 當然要同我開心share！ 去到見到喺間小店嚟嘅～我堅信，小店出品特別用心！唔想諗咁多所以嗌咗個set ，睇見呢個二人餐Menu，都知道夠曬豐富! 杯杯碟碟餐具全部都印曬佢嘅logo, 夠曬氣派! 蟹子沙律～ 作為一個開胃菜，份量啱啱好，青瓜絲 、蟹柳絲、 蟹子加埋沙律醬， 呢個配搭係最穩陣，好味！四色刺身～ 每件 刺身都係厚切大件 一入口充滿幸福嘅感覺， 有兩款魚類 一款蝦，一款貝類。 當中我最欣賞嘅就係赤貝刺身， 爽口新鮮！雜錦壽司拉招牌卷～ 見到有咁多款唔同嘅壽司，真係心情都靚啲，highlight返佢嘅招牌券， 內容好豐富加埋鰻魚包住卷物，先係軟淋淋嘅魚肉口感，再有脆卜卜嘅蟹子餡料，外軟內脆，層次分明！麵豉湯～ 絕對唔係一般冇heart嘅麵豉湯，裏面見到有魚塊、蟹柳……等材料非常豐富！三文魚腩～ 三文魚本身充滿 omega-3 ，絕對係有益嘅食材，加上佢用香煎嘅方法去烹調 ，真係非常香口！天婦羅～ 裏面有番薯、矮瓜、南瓜、 炸蝦……等 ，最鍾意食就係矮瓜呀！ 雖然外面脆脆的，裏面仍然keep住非常juicy， 加上天婦羅汁，簡直一流！稻