Check In ThaiViet

營業中

休息中

隱世上環泰越菜發現！小店主打泰越美食，吸引到我嚟嘅居然係飲品。泰式奶茶🐻🧋Menu 冇清楚圖片話乜嘢樣，自己做咗功課就識得叫呢一杯熊仔茶冰泰式奶茶。打卡一流。🦐大蝦冬陰公超抵食冬陰公湯，$98有一隻半大頭蝦，湯材料十分足，材料充斥著成個湯，味道偏甜一點。泰式香辣肉碎生菜包🥬生菜新鮮，怕辣記得夾起啲辣椒粒。唔會好鹹。泰式甜豬肉蝦膏炒飯甜豬肉似豬肉乾，加埋腰果、肉鬆、辣椒粒、青檸汁、煎蛋一齊食。啲肉碎仲可以撈埋飯一齊食。越式杏片炸香蕉🍌麵包包住香蕉一齊炸，外層黐上杏仁片再酥炸，可以點蜜糖一齊食。味道似西多士。