丸十日本食堂 (已結業)

今晚過嚟葵芳接阿肥放工,攰攰哋唔想掃街,諗住坐底舒舒服服咁享受一個晚餐,所以就行咗過嚟新都會廣場覓食,見到元氣壽司大排長龍都唔願等喇,索性入咗隔離呢間<丸十日本食堂>試試。原來呢間餐廳係新開張冇耐咋喎,唔怪得之裝修都幾骨子,原木為主嘅色調甚有日式風格,卡位濶落坐得舒服。枱上嘅設備亦好完善,竹筷子+豉油碟+匙羹+紙巾＋牙簽等等一應俱全。遠望廚房好似開放式設計咁,能夠睇到幾位料理師傅忙著備菜,難怪上餐速度咁快呢~今晚試咗一款個人認為幾特別嘅菜式,我食過嘅日式餐廳之中都比較小見呢...三文魚牛油果壽司漢堡($78蚊)：我一打開餐牌見到呢樣嘢就覺得好吸引我啦~上面仲有介紹佢係人氣單品。先係材料已經健康有營養,無論三文魚定牛油果都係我喜歡食嘢嘢嚟,再用壽司飯嚟製成漢堡仲夠哂飽肚。$78蚊一個諗都冇諗決定要柯打喇。實物同圖片一樣絕無取巧,漢堡米飯已經作出相應嘅調味所以顏色都帶點啡啡的就好似醬油一樣,裡面嘅三文魚原來溝咗沙律醬味道十分開胃,牛油果新鮮切片並無變色,味道可口也配呢燒雞泡魚乾($68蚊)：阿肥話去日式餐廳嘅話,叫一碟燒雞泡魚乾就可以試得出師傅做燒物嘅功架呢碟雞泡魚乾份量雖