漁吉海鮮丼專門店 (已搬遷) 新店位置

唔知你地有冇覺得，香港嘅日本野，係有分陀地同日本過江龍？但你並唔好覺得陀地就會比較平，好好香港人開嘅日式食市，絕對唔會比日本人開嘅平好多，但又會有好多捧場客，可能因為口味更貼近香港人，所以長開長有！有時得覺得日本人，對野食嘅品質係有一定嘅追求，飯嘅溫度，調味，擺位上菜嘅精緻度，湯夠唔夠熱，魔鬼在細節，令人覺得重視同溫暖...但香港嘅就講求效率，湯雖然可以無限添飲，但放係一個保溫壺，倒出嚟嗰陣時溫度微暖，老實講，感覺麻麻地我叫咗一個海膽三文魚子飯，飯好似冇咩調味，但我覺得呢個係港式日本野嘅共通點，我覺得大家都咁做，即係代表佢地應該做咗調查，係迎合港人口味！海膽同三文魚子都可以，滿滿一碗，充滿視覺享受！另外一個什錦海鮮丼，賣相亦都吸引，但硬係唔知點解，食完硬係差嘀野咁！可能佢擊唔中我內心，不過影相一流！