影片
更多
2023-09-15
62 瀏覽
吉列牛忌廉烏冬專門店呢間吉列牛同忌廉烏冬近排周圍落廣告，見佢又幾得意咁決定走去試試佢。吉列牛定食 $148呢個吉列牛唔知係咪因為佢係韓國版，佢同平時食開個啲吉列牛完全唔同。佢啲炸粉好少，唔係太香口。而且佢啲炸粉唔知點解好似唔太痴住啲牛咁，一放上去煎就甩晒啲炸粉出黎。所以嚴格上黎講佢都唔太算係一舊吉列牛，佢原本已經無乜炸粉，仲要煎嗰陣會甩埋嗰少少。。。牛嘅質素都算唔錯，至少唔會好韌好多根。但係師父煎舊牛嘅功力就差緊啲。舊牛上到黎嘅時候有一大半已經煎到接近全熟。咁問題就黎，我應該唔煎然後凍冰冰咁食，定係應該煎下佢令到舊牛overcooked呢。Kobekyu 滋味單骨雞翼 $68炸得好香口，而且好夠味，而且佢係單骨雞翼，每一隻都可以好易咁食到乾乾淨淨。咖哩忌廉烏冬(雞肉) $88一上枱個咖喱香味係飄晒出嚟，而且佢有一層厚厚嘅忌廉，將佢撈埋會令啲烏冬好滑，而烏冬本身亦都好彈牙。但係個咖喱嘅味道就同佢嘅香味就唔太成正比，唔知係咪忌廉溝淡咗咖喱嘅味道，所以其實咖喱味唔係想像中咁重，但整體來講值得一試。Overall: CP值唔算高，因為佢招牌菜唔質素唔太高。諗住佢叫自己吉列牛專門店，應該會幾唔錯
呢間吉列牛同忌廉烏冬近排周圍落廣告，見佢又幾得意咁決定走去試試佢。
吉列牛定食 $148
呢個吉列牛唔知係咪因為佢係韓國版，佢同平時食開個啲吉列牛完全唔同。佢啲炸粉好少，唔係太香口。而且佢啲炸粉唔知點解好似唔太痴住啲牛咁，一放上去煎就甩晒啲炸粉出黎。所以嚴格上黎講佢都唔太算係一舊吉列牛，佢原本已經無乜炸粉，仲要煎嗰陣會甩埋嗰少少。。。牛嘅質素都算唔錯，至少唔會好韌好多根。但係師父煎舊牛嘅功力就差緊啲。舊牛上到黎嘅時候有一大半已經煎到接近全熟。咁問題就黎，我應該唔煎然後凍冰冰咁食，定係應該煎下佢令到舊牛overcooked呢。
Kobekyu 滋味單骨雞翼 $68
炸得好香口，而且好夠味，而且佢係單骨雞翼，每一隻都可以好易咁食到乾乾淨淨。
咖哩忌廉烏冬(雞肉) $88
一上枱個咖喱香味係飄晒出嚟，而且佢有一層厚厚嘅忌廉，將佢撈埋會令啲烏冬好滑，而烏冬本身亦都好彈牙。但係個咖喱嘅味道就同佢嘅香味就唔太成正比，唔知係咪忌廉溝淡咗咖喱嘅味道，所以其實咖喱味唔係想像中咁重，但整體來講值得一試。
Overall: CP值唔算高，因為佢招牌菜唔質素唔太高。諗住佢叫自己吉列牛專門店，應該會幾唔錯。但係舊牛完全feel唔到吉列左係邊。仲要一上黎有大半已經煎得接近全熟，令到完全享受唔到自己煎嘅樂趣。而且如果同日式嘅吉列牛比，狗仔我會鍾意日式嗰種香口同”吉列”多啲。反而，佢個忌廉烏冬算幾好食同幾得意。我建議佢可以將嗰名改到淨係忌廉烏冬專門店就算。
味道:🌕🌕🌕🌑🌑
環境:🌕🌕🌕🌑🌑
分量:🌕🌕🌕🌗🌑
服務:🌕🌕🌕🌑🌑
CP值:🌕🌕🌗🌑🌑
Overall: bad shit💩
加一服務費：✅
吉列牛忌廉烏冬專門店
旺角彌敦道726號17樓
銅鑼灣耀華街3號百樂中心22樓
#dog旺角 #dog銅鑼灣
張貼
