酒肉·朋友 (已結業)

真係因為店名先至唻試，好細間鋪，但坐得唔迫，服務好細心，舒服，幾乎以為自己係貴賓，我預咗散叫要每位$400先至夠飽，點知埋單只係每人$330，仲有一set 六枝青島只係$148，真係好食得好開心。帶子剌身，沙律都好味。燒到剛剛熟，竟然仲好冧，有肉汁，黑椒香草味，有再番叫多一串，正。我一向唔鐘意食雞泡魚干，因為覺得又乾又硬，竟然呢碟係香軟有汁，我要對雞泡魚干改觀。蜆冇沙，湯鮮甜，海帶味好濃，我飲哂。燒白鱔，沖濃但唔鹹，食多串都得。鵝肝雞翼，真係肉嫩，鵝肝味濃，食一隻真係唔夠。$58一件，落單之前真係有啲肉赤，但食完真係覺得值，肉厚，完全冇羊味羶，大滿足，值$58。