鮮果園

營業中

休息中

今日嚟到食店林立嘅葵涌廣場3/F戰區買杯嘢飲，而今日揀嘅就係呢間鮮果園。黃色鋪面寫上密密麻麻嘅menu，一眼就見到佢相當鮮明。首先講講呢杯一直以嚟都好鍾意飲嘅芒椰蘆薈先，芒果濃郁，蘆薈大粒，消暑解渴一流。跟住就講講呢杯大大杯芒果特飲，價錢$22蚊。都有一段時間無嚟，可能呢杯嘢對呢頭嘅街坊就唔算新，但我就第一次飲。首先睇都睇到佢嘅size大好多，但都只係俾多$6蚊，講緊份量多咗之餘內容都有提升，就係多咗層奶蓋，令到成杯嘢嘅香味增強咗好多。分開食用又得，加入芒果搞勻亦可以，仲為啲芒果增加咗個層次。呢個size嘅飲品平均都賣$30，呢個價錢真係冠絕全巷。