秘 (享成街)

營業中

休息中

同朋友收工嚟到荃灣，2個人唔知食乜好，行經一到見到個大大隻字既秘，咁就吸引左我哋既注意，決定入去試下乜東東。鋪面小小坐得都幾舒服，睇完餐牌我哋點左個板燒吉列牛定食同秘燒牛肉鍋，外加和風薯條同手羽先，即係雞翼。一陣啲野食就上齊，個薯條同雞翼正常水準，有杯啤酒搭配就更好。板燒吉列牛就有驚喜啦，外表炸得金黃色，入面就得微熟，想幾多成熟就睇個人喜好，我就貪心啲，十成熟至三成熟都試哂，完全滿足哂我食牛既慾望。係吉列牛既比較下，朋友個牛肉鍋相對失色左，算不過不失。人均150左右，食得滿足，比得舒服。