影片
更多
2019-11-17
722 瀏覽
今日星期日，適逢撐黃店日，見黃店地圖有呢間Blue House，一於就試試。點知由門口到入面一張黃既內容都無，家母仲問我點解要食呢間🥺隔離麵包鋪議員poster都有，呢間連少少黃都無🥺希望會做多少少，始終野食好食好想懲罰你😈-到左前面有三位等梗，但因為未齊人，我同屋企人四個齊哂就直接有得入先～大家記得啦-Weekend竟然會有Lunch Set😍叫左L1,L2,L5,L8仲有個小食-明太子薯條。L1 蜆肉蟹棒明太子魷魚意粉（$62）-店鋪主打3.7牛乳當然要試試，家父表示意粉偏硬，但我同家兄都表示啱啱好夠哂口感！蟹棒2隻蜆肉8隻左右，香濃牛乳味，正。L2烤菇黑松露牛乳意粉（$58）-呢個相對頭先果個無咁重牛乳味，不過好香黑松露味，烤菇就麻麻地，係類似薄切雞髀菇，不過意粉非常creamy，平價之選。L5咖喱滑蛋飯烤雞（$64）-滑蛋非常出色，家父仲話一定落左勁多牛油勁香又滑！咖哩係屬於日本甜咖喱，唔算太濃但都好好送飯，雞扒非常入味香脆，最大敗筆係個米飯🤢飯桶表示失望，個飯好似用左日本味，但煮到一舊舊。L6醬烤豬肋骨配美式薯條（$72）-唔知無曬薯條定點竟然轉左做飯，店員哥哥太忙定我無留
-
到左前面有三位等梗，但因為未齊人，我同屋企人四個齊哂就直接有得入先～大家記得啦
-
Weekend竟然會有Lunch Set😍叫左L1,L2,L5,L8仲有個小食-明太子薯條。
L1 蜆肉蟹棒明太子魷魚意粉（$62）
-
店鋪主打3.7牛乳當然要試試，家父表示意粉偏硬，但我同家兄都表示啱啱好夠哂口感！蟹棒2隻蜆肉8隻左右，香濃牛乳味，正。
蜆肉蟹棒明太子意粉
$62
57 瀏覽
0 讚好
0 留言
L2烤菇黑松露牛乳意粉（$58）
-
呢個相對頭先果個無咁重牛乳味，不過好香黑松露味，烤菇就麻麻地，係類似薄切雞髀菇，不過意粉非常creamy，平價之選。
烤菇黑松露牛乳意粉
$58
46 瀏覽
0 讚好
0 留言
L5咖喱滑蛋飯烤雞（$64）
-
滑蛋非常出色，家父仲話一定落左勁多牛油勁香又滑！咖哩係屬於日本甜咖喱，唔算太濃但都好好送飯，雞扒非常入味香脆，最大敗筆係個米飯🤢飯桶表示失望，個飯好似用左日本味，但煮到一舊舊。
咖哩滑蛋飯（烤雞）
$64
38 瀏覽
0 讚好
0 留言
L6醬烤豬肋骨配美式薯條（$72）
-
唔知無曬薯條定點竟然轉左做飯，店員哥哥太忙定我無留意，飯面頭唧左少少沙津醬。太快手食哂無影相，有5舊豬肋骨左右，非常入味。但就有少少難送飯。
小食- 明太子薯條（$42）
-
我食左一大半先影！我食左一大半先影！我食左一大半先影！好食！最中意食粗薯條，個醬我都中意食！
明太子薯條
$42
28 瀏覽
0 讚好
0 留言
估唔到個特飲係咁樣一大枝既熱情果茶，味道唔錯！4個餐一大枝full size每人都有杯半左右。
總結，平價好食西餐廳！推薦大埔人黎食佢，希望佢黃啲我就食得開心啲😻😻
張貼
