Simplylife Bakery Cafe (已結業)

去到既時候㩒飛等位, 嗌到我既時間我問: 唔好意思, 其他人差唔多到, 可唔可以入去等? 佢皺眉頭覆我: 入座開始計時90分鐘. 同佢講: OK咁我等人到齊先入去 終於等到人到齊係度等佢帶位 佢話要等嗌飛 最後終於入左 好啦 坐低冇耐都好快手嗌野食 上左沙律，湯同埋嘢飲. 食完同等左20-30分鐘,主菜都未上 (呢度講明餐廳唔係好忙)… 連旁邊遲過我地嗌野既食客都食緊佢地既主菜…. 終於叫到另外一個waitress 麻煩佢幫手睇下我地既食物, 又等左好一段時間不過食物都仲未黎… 又再麻煩佢跟下我地既主菜. 佢叫左帶位個個人(應該係manager)同我地解釋, 佢解釋話係因為驚食物到既時候擺唔落張枱到 所以我地食完沙拉同埋湯先起 我地已經食完好耐….一句唔好意思都冇… 佢講完之後又係要等多15分鐘 叫既鱸魚仲要係唔熱既對於呢種服務態度真係非常失望… 以後都唔會幫襯九龍灣既Simplylife