營足四季

營業中

休息中

因為疫情既關係，興起一陣露營風，而我都好鍾意去camping，所以今日朋友帶我黎觀塘呢間露營主題餐廳，一入到去最eye catching既就係有架露營車係間餐廳入面，而且仲有live show，就好似圍住堆營火唱歌咁。牛油蒜香大虎蝦菠菜意粉虎蝦爽彈鮮甜，都幾大隻，意粉軟硬適中，牛油蒜香汁香濃惹味。兩日一夜豪華豚叫得豪華豚份量真係又豪華又巨型，大到隻碟都唔夠裝，豬扒肉質軟熟，肉汁豐富，仲配有煙肉卷。阿華田脆脆奶蓋瀑布蛋糕配提拉米蘇雪糕只要將膠片拎開，滿瀉的阿華田漿就會好似瀑布咁流係蛋糕上面，好得意，而且唔會太甜。紅都面哂其實就係西柚梳打，酸酸甜甜，好飲。青春小蜜桃蜜桃味香濃，好清新。最後餐廳仲有小遊戲玩，只要同店員玩小遊戲羸左，就會有一球雪糕送。