影片
更多
2020-11-15
197 瀏覽
最近疫情反覆，同幾個朋友決定去山頂行下透透氣。秋高氣爽，環境空曠，不知不覺行左成粒鐘。由於大家個肚都打哂鼓，最後一致決定去試試山頂唯一ge任食自助餐Mina House。 Mina House裝修行木系自然風格，地板同枱凳採用淺色調木紋設計。玻璃窗夠大，除左景觀開陽，柔和的陽光配上木系裝修，整體俾人感覺溫暖舒服。餐枱佈局都算合理，枱與台枱之間留有相當多距離，唔怕小朋友亂跑撞傷，好適合周末帶小朋友來放電玩玩親子樂。 食物方面，全場任飲任食，因為實在太肚餓，第一碟唔理3721咩都攞D。沙律菜新鮮爽脆，HAM同醬汁合格，但算係大路野，唔係好特別。重點係海鮮度，全部都非常鮮甜，特別係D海螺，食唔到有怪味同任何腥味，好食到停唔到口，即時食多碟。 食完沙律同海鮮，去Carving Station搵師傅切返片烤牛肉試試。舊牛肉外皮烤到有焦香味，但切出來入面好似幾生下，目測以為係Medium Rare，師傅即時介紹返原來係慢煮牛肉，已經有5至6成熟，但都問返需唔需要用火槍再燒熟D，服務夠哂細心值得一讚。牛肉肉質都算嫰腍，咬下去有肉汁，應該係慢煮ge效果，加上火槍燒到有燒肉的焦香味，呢個烤牛肉整體令人
Mina House裝修行木系自然風格，地板同枱凳採用淺色調木紋設計。玻璃窗夠大，除左景觀開陽，柔和的陽光配上木系裝修，整體俾人感覺溫暖舒服。餐枱佈局都算合理，枱與台枱之間留有相當多距離，唔怕小朋友亂跑撞傷，好適合周末帶小朋友來放電玩玩親子樂。
食物方面，全場任飲任食，因為實在太肚餓，第一碟唔理3721咩都攞D。沙律菜新鮮爽脆，HAM同醬汁合格，但算係大路野，唔係好特別。重點係海鮮度，全部都非常鮮甜，特別係D海螺，食唔到有怪味同任何腥味，好食到停唔到口，即時食多碟。
食完沙律同海鮮，去Carving Station搵師傅切返片烤牛肉試試。舊牛肉外皮烤到有焦香味，但切出來入面好似幾生下，目測以為係Medium Rare，師傅即時介紹返原來係慢煮牛肉，已經有5至6成熟，但都問返需唔需要用火槍再燒熟D，服務夠哂細心值得一讚。牛肉肉質都算嫰腍，咬下去有肉汁，應該係慢煮ge效果，加上火槍燒到有燒肉的焦香味，呢個烤牛肉整體令人相當滿意，加分不少。
朋友叫左碟好Creamy帶有濃濃松露香ge意粉，原來係用左原個意大利Parmesan芝士輪整ge即煮意粉，成張枱都籠罩住松露香氣。另外攞左碗有機粟米湯，粟米湯香氣四溢，天氣凍飲完應該幾會幾舒服。
最後夾左幾片生果埋尾，問侍應點左一杯Cappuccino，咖啡上面有拉花，不過不失之作。朋友忽然見到侍應送左一束棉花糖俾隔離枱個細路，連佢都不忘問人R返一束俾自己。。。張貼
