影片
更多
2021-12-01
415 瀏覽
雲川燒喺屯門有幾間分店，食開紅橋個間，方便泊車又性~一到繁忙時間都係要排隊，但呢間店都大間，等都係大約15分鐘左右就入得。🍲中酸辣薯粉(墨魚咀,韭菜雲吞) $51★★★★☆酸辣湯底好濃郁，但個人認為叫小酸辣唔太夠味，起碼要叫中酸，而且唔會太辣。食落湯底會有小小肉碎、酸菜，加埋個薯粉食，正！薯粉係幼身扭扭個款，唔會太淋一夾就斷，Keep住QQ煙韌，我覺得比米線更好食。墨魚咀出奇地有驚喜，份量幾多同算大粒多肉，食落爽脆，有咬口。韭菜雲吞就正常，冇咩特別，多韭菜肉比例少左Ｄ。🍲中麻辣薯粉(豬頸肉、豬大腸) $51★★★☆☆麻辣湯底表現唔穩定，有時好濃郁、有時唔太夠味，今次食就一般般，冇以前食咁正，食落個麻辣味唔出，正番個咸味，少少失望。而講起雲川餸菜，莫過於豬頸肉同豬扒。個人偏好豬頸肉，差唔多每次食都必點，豬頸肉同出面一片片唔同，切成一條條，唔會太乾身有肥有瘦，似係炸過，放埋落個湯底，索埋D汁食好滋味，但唔好期望佢係脆口濃邊個D。豬大腸就有D失望，炆得太過淋冇哂應有嘅口感，但洗得乾淨唔會有陣味。🍲微酸辣米線(豬潤、蘿蔔、豬頸肉) $61★★★★☆酸辣湯底依舊好味，米線有咬口彈牙，但個人較偏好
雲川燒喺屯門有幾間分店，食開紅橋個間，方便泊車又性~一到繁忙時間都係要排隊，但呢間店都大間，等都係大約15分鐘左右就入得。
🍲中酸辣薯粉(墨魚咀,韭菜雲吞) $51★★★★☆
酸辣湯底好濃郁，但個人認為叫小酸辣唔太夠味，起碼要叫中酸，而且唔會太辣。食落湯底會有小小肉碎、酸菜，加埋個薯粉食，正！薯粉係幼身扭扭個款，唔會太淋一夾就斷，Keep住QQ煙韌，我覺得比米線更好食。墨魚咀出奇地有驚喜，份量幾多同算大粒多肉，食落爽脆，有咬口。韭菜雲吞就正常，冇咩特別，多韭菜肉比例少左Ｄ。
🍲中麻辣薯粉(豬頸肉、豬大腸) $51★★★☆☆
麻辣湯底表現唔穩定，有時好濃郁、有時唔太夠味，今次食就一般般，冇以前食咁正，食落個麻辣味唔出，正番個咸味，少少失望。而講起雲川餸菜，莫過於豬頸肉同豬扒。個人偏好豬頸肉，差唔多每次食都必點，豬頸肉同出面一片片唔同，切成一條條，唔會太乾身有肥有瘦，似係炸過，放埋落個湯底，索埋D汁食好滋味，但唔好期望佢係脆口濃邊個D。豬大腸就有D失望，炆得太過淋冇哂應有嘅口感，但洗得乾淨唔會有陣味。
🍲微酸辣米線(豬潤、蘿蔔、豬頸肉) $61★★★★☆
酸辣湯底依舊好味，米線有咬口彈牙，但個人較偏好薯粉。豬頸肉一如既往好味道，蘿蔔就炆到好淋好清甜，冇渣同埋份量多。豬潤一般，偏薄身同埋有少少鞋口，應該煮得太熟。
🍲魚湯米線(豬頸肉、墨魚咀) $51★★★★☆
餸上面講左就唔多講，講番個魚湯，湯底係呈奶白色，入口有淡淡魚味，唔算好濃郁但配米線食都足夠，咸度正常，飲落順口，飲左大半碗湯之後都冇話勁口渴，絕對啱唔食得辣同埋清淡少少嘅人。
家鄉手撕雞
$38
14 瀏覽
0 讚好
0 留言
★★★★☆
份量足，手撕雞係一撕撕嘅，本身已經有用麻辣醬、芝麻拌左，調好哂Ｄ椒麻味，就算唔點個麻醬都好惹味。如果點埋個麻醬就係另一個風味，個辣味會明顯少左，多左D酸，都幾特別。
脆皮炸大腸
$32
17 瀏覽
0 讚好
0 留言
★★★★☆
小食黎講炸大腸幾出色，$32蚊但份量好足，兩個人SHARE啱啱好。首先佢叫完即炸，所以有時要等耐小小，但每次食都係熱辣辣好脆口，外脆內軟，大腸入面帶d脂肪，有d咬口，越咬越香，配埋個泰式酸辣醬就更惹味。
🌟總括：各款湯底都唔錯，有辣有唔辣，大碗之餘D餸又唔少，算係經濟實惠！大推酸辣湯底，要叫中酸辣，惹味得黎又好食，另外推介脆皮炸大腸！每次出開黎屯門都會心思思想食呢間米線店，每隔一排就要ENCORE食，大家出開黎都可以試下。
張貼
