更多
2021-08-02
621 瀏覽
難得放假嚟到iSquare,見到呢度做下午茶,就入咗嚟食。我想講我真係未食過咁難食嘅上海菜,深水埗普通餐廳都好食過佢。酸辣湯冇乜料,冇咩肉絲,辣味唔出。個面黐到一餅野,好用力整開佢先散。京蔥牛肉餅,個包好薄。一啲蔥味都食唔到,個味似叉燒包味多啲。啲餡一pat pat…上海湯年糕又係差,個湯好淡,啲菜琳晒,菇就用罐頭菇,肉絲係茶餐廳嗱過嗰種,然後又一絲火腿都冇。又見到個盒開晒口咁,都唔重視私人資料。服務態度又差,倒瀉水個待應大大聲講粗口嚇死人。好唔愉快嘅經歷。
張貼