影片
更多
2020-10-23
2541 瀏覽
呢晚同朋友去尖沙咀食飯，我哋見K11對面間「味道樂居酒屋🏮」門面好似唔錯喎，就一於試下。好彩我哋食得早，晏啲都無枱啊，好多人預先訂咗位。作為一間居酒屋，佢有齊各樣必備嘅日本菜，包括送酒小食、刺身壽司🍣、串燒🍢、一品料理同和食🍙等，價錢就一般啦，但我見啲午市套餐就幾抵。由於晏晝食咗魚生飯，所以夜晚我就冇叫到壽司刺身，主要食熟食，兩個人食以上份量都夠哂飽👍。野菜牛肉湯烏冬($98)，烏冬係第一道上菜嘅食物，一開始嘅時候淨係見到鋪面嘅半熟牛肉，以及啡色嘅湯底，感覺有啲似越南粉，哈哈🤣，但賣相都唔錯，份量亦唔少。牛肉片好足料，有好多塊🥩。烏冬口感幾彈牙唔錯，另外原來餸料仲有各式各樣嘅菇菇，如金菇、蟹味菇同冬菇等。牛肉壽喜燒($108)，🍲壽喜燒嚟講價錢唔貴，牛肉份量多，上枱時牛肉偏生，記得襯個湯仲熱時淥熟佢。湯頭甜甜的幾惹味，同牛肉烏冬個湯唔同。墊底有唔少蔬菜，如果配埋粉絲會更出色。題外話，小鍋用有火爐仔㷫住🔥，成個爐具組合幾得意。本身預期會好滾好熱，但又唔算啵。鐵板蒜片香煎厚切煎牛舌($78)，牛肉，全部都係牛肉，皆因我哋係牛魔王。牛脷賣相好有霸氣😎，因為木板上面再放咗塊鐵板，店員提醒要小心
呢晚同朋友去尖沙咀食飯，我哋見K11對面間「味道樂居酒屋🏮」門面好似唔錯喎，就一於試下。好彩我哋食得早，晏啲都無枱啊，好多人預先訂咗位。
作為一間居酒屋，佢有齊各樣必備嘅日本菜，包括送酒小食、刺身壽司🍣、串燒🍢、一品料理同和食🍙等，價錢就一般啦，但我見啲午市套餐就幾抵。
由於晏晝食咗魚生飯，所以夜晚我就冇叫到壽司刺身，主要食熟食，兩個人食以上份量都夠哂飽👍。
野菜牛肉湯烏冬($98)，烏冬係第一道上菜嘅食物，一開始嘅時候淨係見到鋪面嘅半熟牛肉，以及啡色嘅湯底，感覺有啲似越南粉，哈哈🤣，但賣相都唔錯，份量亦唔少。
牛肉片好足料，有好多塊🥩。烏冬口感幾彈牙唔錯，另外原來餸料仲有各式各樣嘅菇菇，如金菇、蟹味菇同冬菇等。
牛肉壽喜燒($108)，🍲壽喜燒嚟講價錢唔貴，牛肉份量多，上枱時牛肉偏生，記得襯個湯仲熱時淥熟佢。湯頭甜甜的幾惹味，同牛肉烏冬個湯唔同。墊底有唔少蔬菜，如果配埋粉絲會更出色。
題外話，小鍋用有火爐仔㷫住🔥，成個爐具組合幾得意。本身預期會好滾好熱，但又唔算啵。
鐵板蒜片香煎厚切煎牛舌($78)，牛肉，全部都係牛肉，皆因我哋係牛魔王。牛脷賣相好有霸氣😎，因為木板上面再放咗塊鐵板，店員提醒要小心熱。👅牛脷肉質好嫩，推介配埋蒜片一齊食！
煙肉荔枝卷($58)，一客有兩串。呢個配搭係皇牌之選，🥓煙肉嘅鹹香配以荔枝嘅甜味，相映成趣。
香炸日本池魚仔($58)，之前喺其他地方食過好正，所以喺度再試試🐟。魚仔炸到脆脆的，成條都食得，建議一定要沾沙律醬食。
明太子雞翼($58)，一客有兩隻。🍗炸雞翼去骨後，釀入咗明太子粒粒，味道正正常常，唔算有太大驚喜。
總括嚟講，居酒屋晚餐令人愉快，食物同裝修好切合主題。朋友要揸車，所以我哋今晚就無嗌到酒，有機會可以小酹一下🍶。我哋廢事霸住人哋張枱，八點鐘左右離座，差唔多全場爆滿，認真厲害！
張貼
