更多
2016-07-03
738 瀏覽
一向好鍾意去樓上嘅餐廳，貪佢哋地方比較舒服，人流比較少，通常價錢仲比較親民添！今日嚟到呢一間餐廳，位於尖沙咀加連威老道中間嘅位置。去到樓下，已經見到有易拉架招徠路過行人。我同朋友就係慕名以來嘅，一上到5樓打開lift門，就見到左手邊係lay back。入到去地方唔係好大，大概30個位左右，但都幾有格調，佈置方面都睇得出店主花咗心思。最特別嘅地方係佢哋喺露台位置，做咗一個花園。我諗天氣涼少少嘅日子嚟到，應該都幾舒適架。餐牌上面嘅選擇唔係太多，都係一啲簡單野。始終呢度都係Cafe，反而飲品嘅選擇就非常之多啦！我哋兩個人叫咗三樣食物：all day breakfast，黑松露忌廉雜菌扁意粉，芝士煙肉焗有機大牛扒菇。《黑松露忌廉雜菌扁意粉》個醬汁好杰，好creamy，有好香嘅黑松露味，亦都有牛油味。入口嘅口感好豐富，佢哋將幾種唔同嘅菌類切成細細條，撈左落個醬汁度，增加入口嘅層次感。至於意粉，火候控制得非常之好，每一條意粉都完全熟透，但又未至於過熟。《All day breakfast》呢個好豐富，有Parma ham、豬肉腸、煎蛋、蘑菇炒粟米、茄汁豆、多士、沙律、蕃茄等等。每一樣野都整得好好食
入到去地方唔係好大，大概30個位左右，但都幾有格調，佈置方面都睇得出店主花咗心思。最特別嘅地方係佢哋喺露台位置，做咗一個花園。我諗天氣涼少少嘅日子嚟到，應該都幾舒適架。
餐牌上面嘅選擇唔係太多，都係一啲簡單野。始終呢度都係Cafe，反而飲品嘅選擇就非常之多啦！我哋兩個人叫咗三樣食物：all day breakfast，黑松露忌廉雜菌扁意粉，芝士煙肉焗有機大牛扒菇。
黑菘露忌廉磨菇扁意粉
16 瀏覽
0 讚好
0 留言
個醬汁好杰，好creamy，有好香嘅黑松露味，亦都有牛油味。入口嘅口感好豐富，佢哋將幾種唔同嘅菌類切成細細條，撈左落個醬汁度，增加入口嘅層次感。至於意粉，火候控制得非常之好，每一條意粉都完全熟透，但又未至於過熟。
All day breakfast
18 瀏覽
0 讚好
0 留言
呢個好豐富，有Parma ham、豬肉腸、煎蛋、蘑菇炒粟米、茄汁豆、多士、沙律、蕃茄等等。每一樣野都整得好好食，睇得出大廚有心有力。番茄豆佢哋特登暖過先上碟，好窩心。而豬肉腸絕對係亮點，細細條睇落唔多特別，但一食落口，我同朋友都讚不絕口。豬肉腸入邊有細細的肉粒，好有口感，表面煎得好香脆，有少少辣味，好惹味。好食到兩條絕對唔夠我哋分啦！
芝士煙肉焗有機大牛扒菇
22 瀏覽
0 讚好
0 留言
牛扒菇好香好新鮮，好好味。每一刀切落去，都有汁必出嚟，好過癮。一份好足料，兩件大牛扒菇，上面都鋪滿咗煙肉同芝士，好邪惡啊！厚厚嘅芝士連埋牛扒菇，一大啖放落口，好複雜嘅感覺，但又好滿足。呢個一定要趁熱食，凍左就食唔到果種豐富嘅口感架啦！
蜜桃果茶
22 瀏覽
0 讚好
0 留言
呢度嘅果茶同花茶都係連壺上的，有蠟燭座熱，確保你飲幾耐都係熱茶。呢啲小處，我哋都可以睇得出店主對於飲品嘅堅持同要求。果茶係紅茶底，有少少蜜桃嘅甜味，好清香。
朋友叫咗杯咖啡，但咖啡嘅嘢我真係唔識欣賞，冇試飲，我都唔評價啦。
兩個人埋單＄300鬆啲，喺尖沙咀旺區黎講，有返咁上下質素嘅食物，佢哋價錢都算好相宜既。
張貼
