Cambo ขุนทอง (The ONE)

餐廳：Cambo地點：尖沙咀The ONE菜式：泰越Fusion菜餐牌：Cambo Set 午餐有九款揀，有飯有炒河有湯粉有咖喱，價位由$68到$96不等，另收加一，配檸檬茶，奶茶，咖啡。凍咖啡另加$5，特飲另加$8。主餐牌有沙律，燒烤，明爐鍋，海鮮，小吃，海南雞，蔬菜，炒飯粉湯粉，甜品，特飲等。泰式炒貴刁連餐湯 $78 另加一泰式炒貴刁大大碟，賣相不錯，熱辣辣上枱好有穫氣！有三隻去殼蝦。啲粉幼身稔滑，同芽菜，蛋絲，豆腐乾，韭菜，蔥條同炒，配料簡單不過好味。仲有花生碎同青檸放碟邊可以自己調味。個醬汁甜甜地，味道開胃。餐湯 （跟餐） 餐湯係冬瓜清湯，加上少少芫荽，個湯少少鹹，好飲。梛汁紅豆冰 +$8 另加一 椰汁紅豆冰梛奶香滑唔膩好香甜。紅豆份量唔少，見都見到好多喺面。飲完好似食完甜品。泰式去骨海南雞半隻 $128 另加一泰式去骨海南雞半隻有齊髀胸同翼，連翼都去埋骨。雞髀好嫩口，雞皮好薄又滑溜。下底原來墊有唔少梛菜，伴有兩片青瓜，面頭有芫荽。另上兩兜甜豉油同酸辣醬，令雞肉味道更好。泰式炒通菜 $74 另加一泰式炒通菜好有鑊氣，炒得嫩綠又夠味，配料有蒜同辣椒，辣度啱啱好，唔會太辣，又唔會太