草民 (已結業)

尖沙咀厚福街真係臥虎藏龍🐲，除咗樓下地舖嘅餐廳，樓上都有唔少值得大家一試嘅美食。今日同大家介紹良心小店「草民」🪴，日系小溫馨風格，小屋子加草地嘅特色打卡位，兩小口/朋友們坐係屋仔入面傾計🏡，特別寫意舒閒。聽講遲啲會有全新餐單面世，價錢更優惠，好期待呀😚！————————————————👅 鮮蝦汁蟹肉蘆筍扁意粉👍🏻 嘩！巨量蟹肉，每條意粉都沾滿蟹肉，同鮮蝦汁互相襯托，鮮上加鮮🦀🦐。老闆話呢個招牌菜好重本，但最緊要大家食得開心👅挪威煙燻三文魚青瓜拼盤👍🏻青瓜片同煙三文魚卷成一朵玫瑰花🌹，煙熏三文魚油而不膩，食完口腔會回甘，係賣相吸引嘅沙律🥗👅智利藍青口配刁草忌廉👍🏻忌廉汁好正好Creamy，加上刁草香味🌿，同藍青口襯到絕，如果攞嚟撈飯都一流👅水牛城辣汁單骨雞翼👍🏻一碟有10支單骨，呢到水牛城雞翼做法係將辣椒粉Mix入炸粉🌶，由內辣到外真係好刺激👅焙茶鮮奶👍🏻好濃厚焙茶茶香🍂，又飲到鮮奶味👅紫薯鮮奶👍🏻堅挺又綿密嘅奶泡🫧，香甜紫薯味完全唔假————————————————🚩總結：尖沙咀溫馨嘅樓上Cafe🌸———————————————— 🌟注意：另收加一服務費————————————————