Cambo ขุนทอง (The ONE)

平時去開尖沙咀，都鍾意黎呢間泰國餐廳，平日中午的話就必定會黎食，因為呢到既午市套餐真係好超值，包埋餐湯同飲品，選擇多而且又好味。今次叫左波蘿焗飯午市套餐，大大隻蝦配上炒到金黄的炒飯，香口美味，份量足夠2個人食。另外仲點左活蝦刺身同生菜包，活蝦刺身隻隻新鮮彈牙，泰式魚露配上蒜蓉粒同辣椒粒，將蝦刺身鮮味提升。生菜包係用左豬肉加蟹肉，除惹味肉香外加多一份海鮮既鮮味，味道比一般只用豬肉既生菜包更出色。呢度啲泰式甜品都好唔錯，最後當然唔少得叫番個椰汁西米糕啦。