影片
更多
2018-10-30
380 瀏覽
同男朋友最近想搵啲未試過又出名嘅餐廳嚟食，之後就見到太子呢間好多好評嘅西餐廳。望落個餐廳幾靚同幾舒服，於是搵日放工就去試咗佢同太子站A出口好近，行一分鐘左右就到，門口好多街錶位，方便揸車嚟嘅朋友未入去已經見到差不多爆滿，只係一個星期二嘅晚上就咁多人，食食下仲見到有人想嚟食但因為無book枱所以唯有離開本來想叫個二人餐嘅，但見其他主食吸引啲就變做散叫燒一口鵝肝多士鵝肝大大件好厚身，非常足料👍🏿 多士亦烤得好香脆，配埋一齊好夾海膽車打芝士焗大啡菇呢個配搭好有趣，芝士嘅出現增加咗鹹味，而海膽就增加咗鮮味，一切落去就漏哂好多汁出嚟😋小食拼盤入面有四款嘢食，bbq汁雞翼、芝士條、甜薯條、芝士蔥餅。本身想就咁散叫bbq汁雞翼同芝士條，但呢個貴啲啲就多兩樣小食，緊係叫呢個🤔bbq汁雞翼烤得好香口，外表嘅皮脆脆地，芝士條就因為攤凍咗先食，所以唔夠拉絲，大家一定要趁熱食！甜薯條啫係蕃薯條，每一條都好實心真材實料，而芝士蔥餅係好煙韌好好咬🤤 陣蔥味唔出，所以唔鍾意食蔥嘅朋友可以叫呢個試下西班牙黑毛豬扒塊扒非常之厚身！味道啱啱好唔會太鹹，上菜嘅時候仲熱辣辣，咬落去肉質腍身得嚟係實嘅，完全唔韌好易咬👍🏿 有啲
同男朋友最近想搵啲未試過又出名嘅餐廳嚟食，之後就見到太子呢間好多好評嘅西餐廳。望落個餐廳幾靚同幾舒服，於是搵日放工就去試咗
佢同太子站A出口好近，行一分鐘左右就到，門口好多街錶位，方便揸車嚟嘅朋友
未入去已經見到差不多爆滿，只係一個星期二嘅晚上就咁多人，食食下仲見到有人想嚟食但因為無book枱所以唯有離開
本來想叫個二人餐嘅，但見其他主食吸引啲就變做散叫
燒一口鵝肝多士
鵝肝大大件好厚身，非常足料👍🏿 多士亦烤得好香脆，配埋一齊好夾
海膽車打芝士焗大啡菇
呢個配搭好有趣，芝士嘅出現增加咗鹹味，而海膽就增加咗鮮味，一切落去就漏哂好多汁出嚟😋
小食拼盤
入面有四款嘢食，bbq汁雞翼、芝士條、甜薯條、芝士蔥餅。本身想就咁散叫bbq汁雞翼同芝士條，但呢個貴啲啲就多兩樣小食，緊係叫呢個🤔
bbq汁雞翼烤得好香口，外表嘅皮脆脆地，芝士條就因為攤凍咗先食，所以唔夠拉絲，大家一定要趁熱食！甜薯條啫係蕃薯條，每一條都好實心真材實料，而芝士蔥餅係好煙韌好好咬🤤 陣蔥味唔出，所以唔鍾意食蔥嘅朋友可以叫呢個試下
西班牙黑毛豬扒
塊扒非常之厚身！味道啱啱好唔會太鹹，上菜嘅時候仲熱辣辣，咬落去肉質腍身得嚟係實嘅，完全唔韌好易咬👍🏿 有啲部位有埋脂肪係到又係超級之正
原隻開邊虎蝦配自製鮮茄闊麵
呢個闊麵比平時見到嘅仲要闊，咬落去好煙韌，好似食山西刀削麵咁煙韌👍🏿 醬汁好濃唔係茄膏嘅假蕃茄味。隻虎蝦預先切開方便食，鮮味唔錯
黑加侖子薄荷熱情果梳打
鮮果士多啤梨檸檬薄荷梳打
伯爵紅茶法式焦糖燉蛋
食完唔夠喉就叫多咗個甜品share，因為得我有甜品胃啦無計🙊 外面層焦糖比平時食到嘅厚啲，入面嘅燉蛋係凍身，所以食落外暖內凍，口感好特別。紅茶嘅味道幾濃烈，呢個配搭出嚟嘅效果幾夾
呢到感覺除咗好啱同情侶去食之外，我見有幾枱都係朋友仔嚟聚會，仲要唔淨止係女孩子，男仔都會嚟到～
我地散叫食多咗貴咗，但其實可以一人兩百幾就食到飽～
張貼
