新恆福 (已結業)

自從不久前來過，餓底現在想去大排檔的話就會過來，今晚又跟家人來大擦一餐。孜然棒棒骨：上次食過，家人喜歡所以今晚又再叫，棒棒骨表面沾滿炸蒜，勁香蒜味，今次孜然味更突出，好正！同埋唔好放過洋蔥，都好好味架！😋XO醬小炒皇：呢個驟眼看唔知有乜，唔理佢，放一堆入口先，好香干瑤柱味！原來是有大量炸香了的魚仔，仲有蝦乾＆魷魚等，香口，惹味，滿滿的大排檔風味！😌日本黑椒和牛粒：哦？乜大排檔都有和牛食？好奇點來試下，和牛粒大小剛剛好，一口一粒，肉質易咬兼有彈性，黑椒味夠入味，仲好大碟好多粒，唔使掙！🤣今次來見門口多了一部夾公仔機，有小朋友隨行就可以比佢地去夾，又幾有諗頭喎。