青越 (已結業)

由於今日要去西貢玩水上活動要消耗好多體力，所以諗住食飽啲先，咁啱嚟到呢間餐廳見到佢哋個早餐竟然有飯食，咁就一於去試吓啦。一開頭以為$36有飯食應該好細碟啦，點知又唔係喎，同平時啲午餐嘅份量差唔多喎😍所以我臨走嘅時候都見到有啲喺附近返工嘅人過嚟呢度，襯佢早餐完之前外賣個飯走。-貴妃雞飯配熱咖啡雖然有一部份雞肉比條生菜遮住咗，但你都見到個份量都幾多，用嚟填飽個肚係一個唔錯嘅選擇。不過好味嘅程度就真係一般啦，啲雞肉唔算好滑但又唔會好鞋，中規中矩啦。可惜個甜豉油做得好差，個豉油一啲都唔甜仲要好鹹添。所以最後都係配姜蓉食。餐廳環境唔錯嘅，如果坐窗邊仲可以望到風景添，食物方面，早餐有飯食真係好特別，如果大家想填飽個肚的話呢間餐廳係一個唔錯嘅選擇。