青越 (已結業)

而間啲野食都算好食，但係唔太正宗，而且價錢少貴。重點係d職員好冇禮貌。舉手叫野食，舉左好幾次，每次職員擺明見到你但係都唔理。要你好大聲咁叫佢地先會應下你......之後有個女職員又係好冇禮貌，明明有禮貌咁叫野食又或者好普通賣單，佢啲語氣同態度都好串，有次問佢問題仲好大聲好惡咁應我地。其實如果d職員態度正常，舉手見到會應，答問題唔會大大聲聲又串既話，有時經過見到會食既。不過要比錢受氣，啲野食又唔係好好食就算la。絕冇下次。

今日收工經過TKO,又唔想食飯, 所以去左食湯河!!呢間野都幾抵, 又幾好坐!!而且都幾多選擇!!我同肥妹仔口味一致!!叫左兩碗生熟牛肉金邊粉!!講真牛肉湯底真係好濃,雖然佢D湯有D淆, 但絕對唔肥膩!!牛肉有少少牛腩, 食落有幾個層次!!不過金邊粉有少少失色,好似煮過火, 好淋碎濕濕...會直頭夾唔起, 要用匙筆起先食到...希望佢下次會改進,不過真心抵食, 下次會試其他!!

下午茶時間黎到食越南野既青越叫左香茅豬頸肉撈檬同埋BBQ燒排骨配美國薯條2個餐都有配飲品🍜撈檬味道唔錯，而且份量都算多但BBQ燒排骨就略嫌失色，份量小之餘排骨亦唔夠軟淋🥓薯條亦都唔係炸得香脆🥔個人覺得佢既粉麵做得比較好

坑口啲餐廳越開越貴，想搵間平嘅餐廳食中午都好難，見尼間價錢唔貴，又唔洗加一就試下青越烤豬頸肉飯豬頸肉烤得唔錯，唔會好乾但留有本身少少既脂肪，加埋個生菜吸左多餘既油👍🏻當你覺得有少少油膩，可以食下涼拌蘿蔔。而啲飯好特別，應該係海南雞飯既油飯。整體來講係好食。

今日中午入去坑口見一個朋友，順便食個中午飯，朋友介紹去左間叫青越既越式餐廳食。👀我原本點了生熟牛河，卻來了安格斯牛河，友人點了安南雞絲扎肉金邊粉（原來可以由河粉轉金邊粉的），我們兩人都點左凍檸茶。😄我覺得呢間店嘅味道都不錯啊發揮正正常常，牛肉呢其實好厚身，雞絲、札肉就相對無牛咁出色，而粉既份量唔少，男仔食都夠飽🙈；另外食這類型既湯粉都會另上辣椒同1/6青檸，想唔想落就睇個人喜好，辣椒粒係真辣，唔食得辣既朋友就真係唔好落啦😆；青檸我就嫌唔夠大氣😂😂，比半個青檸會好擠一點。兩個人食了$114，餐廳收銀標明不過$100不收信用卡，這點可以留意一下。

同友人來到將軍澳，搵好野食，突然想食海南野，就簡咗「青越」試一試食評檬粉偏硬身香茅豬扒香味足但偏靭湯河清但味夠濃價錢算合理好抵食，好大碗60蚊左右冇包飲品食評分數：⭐️⭐️⭐️回頭率：⭐️⭐️⭐️⭐️

職員落單時話廚房唔開無炒嘢焗飯，咁你大大個餐牌就唔該唔好寫話有炒粉麵同埋焗飯，淨係做三文治同湯粉就得啦～ 垃圾餐廳未食都已經一肚氣，發誓唔會再幫襯，連鎖餐廳竟然都會係咁

平時經過見到呢間野，望落去就唔多人食，不過今次想食火車頭河粉，所以入去試下。行入去係無職員會理你，自己搵個位坐低，枱上面已經有餐牌。餐牌上好多選擇，粉麵小食餐全部都有。。。青越火車頭河粉好大好大碗，唔係得個碗大，入面河粉配料都好多！火車頭緊係乜都有，牛肉札肉雞絲，牛丸，魚蛋，牛展。。好多配料。個湯頭清清地，覺得唔夠濃味。。不過夠熱！因為通常去食越南河粉唔知點解個湯唔夠熱，但呢間係熱嘅！生熟牛肉河一樣好大碗，但啲肥牛用料似係街市買最平果款，完全無牛肉味。。。不過就真係好多牛肉鋪滿個面㗎！奶蓋百香果綠茶布丁Q果因為呢杯飲品個名係個餐牌上最長，所以我點左嚟飲😂😂😂但有驚喜！因為幾好食，一嚟唔甜又清新，二嚟好多粒粒野好好食，又大杯，加20蚊都幾抵飲！焦糖咖啡沙冰咖啡味唔算濃郁，個賣相幾靚，亦唔會過甜，不錯的！其實呢度環境坐得舒服，又有窗邊位。不過服務就差啲，基本上個場得一個員工，叫人落單都要等。。。。。所以食物質素尚可，服務就有待改善啦

點了火車頭河粉$58、 原價40蚊但6折，即24蚊杯四季水果茶、水果茶比飲幾蚊支既綠茶還淡、接近無味，那碗河粉可能是要節省能源、只是半熱溫度、那2粒肉丸咬開中間還是凍的，⋯⋯⋯一言難盡、我都知生意難做、比差評是倒人地米？但可否走心一點做飲食呢？還有個碗河粉、唔落魚露、都食唔落、雖然幾十蚊既平民店、但都起碼基本要求都要做到掛？我旁邊坐了一對情侶、那位男仕，食到黑口黑面.... 我覺得真係好應景！今次真係中伏....

細細個喺將軍澳區長大，自從搬走左都好耐無踏足坑口了，厚德商場都改左名叫做人稱雞圍嘅TKO Gateway，好多野都變曬了。今日同屋企人喺東港城行完街搵野食，但又唔想幫襯大集團嘅餐廳，於是家人提議去雞圍兜個圈，比我地發現到呢間越南餐廳，人唔多，但見佢裝修幾靚，坐得幾舒服幾闊落就入左去。睇一睇餐牌，大家都話“嘩好抵食喎” 128蚊有兩個小菜兩個飯，竟然係有得揀牛腩煲，冬蔭公，泰式明爐烏頭，半隻雞呢啲野咁荀？出面食呢啲野分分鐘過百喎！我地叫左個炒菜，魚香茄子，明爐烏頭同蠔仔蛋。1.明爐烏頭當然唔係大size烏頭，但新鮮，4人食剛剛好2.魚香茄子夠鹹香，值得推介3.蠔仔蛋蠔仔夠多，鐵板上亦夠風味4.菜就正正常常嘅菜🤣無乜特別（呀媽一手夾走左一大著，影唔切🙄）總括黎講我同家人都收貨，味道份量夠職員亦好細心每次上餐都提醒我地小心熱同唔好掂到個鐵盤邊😊環境亦十分舒適寧靜，一路同屋企人食飯，一路講返將軍澳區嘅變遷😭最後，埋單行出商場竟然發現呢度開返歡樂天地！係廿幾年前嘅回憶呀，可惜已經關左門，下次一定要再黎先得

今日朋友拎嘢過嚟俾我，於是就約喺樓下餐廳食個午餐，朋友叫咗個貴妃雞飯，唔知係唔係唔夠油飯，溝咗啲白飯落去，因為有飯落咗黃姜粉，所以好明顯，而且個飯只有微溫，整體感覺麻麻，另一個朋友叫咗個泰式咖喱豬扒飯，個咖喱一啲都唔泰式，我哋嘅印象泰式咖喱係偏鮮黃色，佢嘅咖喱係似日式咖喱嘅顏色，又唔夠香辣，豬扒亦好一般，白飯亦都唔夠熱，我嘅馬來沙嗲花枝炒河係即炒嘅，所以都夠熱，但係沙嗲味唔重，比較淡，花枝一啲味都冇，而且好軟身，早知去茶餐廳食個乾炒牛河仲好

因為要去將軍澳醫院複診，就嚟到附近商場食中午飯，呢一間係住附近嘅朋友推薦，一入到去環境都好舒服，對住落地玻璃窗邊，環境好開陽。價錢亦都係商場來講算平，海鮮炒金邊粉加埋嘢飲$65，唔洗加一，炒金邊粉落去夠味道，炒得好唔會痴到一餅餅，亦唔會太重口味，當然都有少少人。份量又多，一個男仔都絕對夠，但係海鮮就唔會話好足料，基本上就係幾隻蝦幾隻魷魚，商場呢個價錢呢個質素咁嘅環境，性價比好高，朋友坐喺度傾咗兩三個鐘頭冇人要趕走，如果經過附近都會再試。

下午茶時般黎到， 純因為唔想食錦麗所以試下佢。 大概都有8成full, 都係單人黎多。叫左個生熟牛肉河，因為未食早餐所以叫大碗。見到佢個餐牌是其實都有d 擔心， 咁唔專一， 又有芋圓、又做蛋糕又waffle , 成間茶餐咁嘅？ 但諗住試一次啦， 叫左碗大 (因為未食早餐。。。 點知真係錯， 唔應該咁放心。黎到，waiter 姐姐無俾筷子， 咁就唯有自己拎， 雖然全部都係用即棄餐具， 但即棄餐具唔係個個位都有，你隔得開d 客， 就係唔想有interaction 啦， 咁我又要問隔離位拎餐具， 你又唔俾埋我， 咁隔乜野離呢？ 飲第一啖湯， 唉， 錯，無味嘅？ 我仲要叫左大碗， 咁點食哂佢呢？ 個熟牛，係牛腩， 唔係牛肉。。 比較硬， 同埋。。 都係係味。。。然後全程食野都聽到cashier 呀姐鬧人同用唔正嘅廣東話講野。。。 都幾影響印象。好浪費食物囉。。。 咁大碗粉， 仲要無醬料落， 個蒙粉汁都係淡都偏酸嘅， 幫唔到咩忙。。。 快快趣食完走， 唔會有下一次

《越食越好食💫》———————————————-#青越 🇻🇳 將軍澳附近要搵越式菜，認真唔容易，今日推介呢間屋村小店相對簡單抵食，值得一試！-今次叫外賣嗌左三個餐，最特別既係鮑汁扣花膠腩仔飯，花膠超大舊，店家完全唔孤寒，腩仔亦炆得相當淋，個汁用黎送飯一流！炒檬炒都好越式，炒得幾乾身。焗飯唔似平時食嘅一般焗豬扒飯，用咗香茅豬扒，帶點東南亞風味。三份餐都有包餐飲，而且份量十足，非常飽肚🤗-⭐參考價錢︰鮑汁扣花膠腩仔飯（包餐飲）：$67鮮茄香茅豬扒焗飯（包餐飲）：$65越式碌冧札肉雞絲炒檬粉（包餐飲）：$72-🍌抵deal 指數：7/10💰人均消費：$65

無心插柳，竟然發現menu 入面有all-day breakfast!!令原本想食檬粉既突然轉呔响abcd column 揀6款食物，實在係太豐富😆炒滑蛋好滑，亦都好大份牛油雞翼熱辣辣 好香口個薯餅入面係薯蓉黎架！ 啖啖yummy奶油脆豬勁多牛油，食完好有罪惡感🤣🤣仲有個勁羅宋湯既通粉~~因為勁酸🤣🤣豬扒撈檬有好多豬扒，啖啖肉配上魚露既凍檬好清新加埋杯凍檸茶就好疏乎總括個味道唔算係好好味不過感覺就好八搭，多選擇啊