更多
2021-06-20
2644 瀏覽
55蚊有大大碗角切魚生飯，包一罐野飲，仲有啲沙律、小食同炸物任食，食到嘔都仲得，會唔會太抵食🤣成日去旺角食放題，今日一個人，所以決定去試吓lunch啲定食得唔得。朋友話食過吉壽，好抵食，咁我又去試吓啦，上到去1215到，我見出面冇人，以為中伏啦，點知行入去廁所嘅時候，發現原來坐滿咁滯，都放心啲🤣餐牌換咗，同網上睇到嘅唔同，每個定食大概貴10蚊，不過連埋加一，都係55，已經平到我唔信，而家去飲杯咖啡都40幾喇🤣角切魚生飯一d都唔hea，大大碗，好多三文魚，仲有甜蝦、油甘魚、玉子豆腐同少少青瓜，最正係d飯上面加咗飯素，脆卜卜，幾正。任食嘅小食有水煮肥牛，都幾好味，牛肉都好多，另外魚蛋同雞翼我就冇試啦，不過夾咗d菜黎食，炸物都有3款選擇，我就鍾意食炸雞，唔係得粉，入面嘅肉都好大舊。咁平有咁多嘢食，仲想點呀🤣
成日去旺角食放題，今日一個人，所以決定去試吓lunch啲定食得唔得。朋友話食過吉壽，好抵食，咁我又去試吓啦，上到去1215到，我見出面冇人，以為中伏啦，點知行入去廁所嘅時候，發現原來坐滿咁滯，都放心啲🤣
餐牌換咗，同網上睇到嘅唔同，每個定食大概貴10蚊，不過連埋加一，都係55，已經平到我唔信，而家去飲杯咖啡都40幾喇🤣
角切魚生飯一d都唔hea，大大碗，好多三文魚，仲有甜蝦、油甘魚、玉子豆腐同少少青瓜，最正係d飯上面加咗飯素，脆卜卜，幾正。
任食嘅小食有水煮肥牛，都幾好味，牛肉都好多，另外魚蛋同雞翼我就冇試啦，不過夾咗d菜黎食，炸物都有3款選擇，我就鍾意食炸雞，唔係得粉，入面嘅肉都好大舊。
咁平有咁多嘢食，仲想點呀🤣
張貼
