影片
更多
2024-02-11
99 瀏覽
平時極少寫食評，今次真係不吐不快。大年初一同屋企人一齊食齋，一行七人連埋一個三歲小朋友訂咗7:30枱。7:30準時到，話有枱賣緊單。明白嘅年初一實多人食齋啦！好快見到有兩張吉枱，但係成10分鐘都冇人執，於是就輕輕咁問櫃檯阿姐，可唔可以睇吓幾時入得，因為小朋友都肚餓。個阿姐答我「小朋友肚餓咪買個包俾佢食囉。」全句原文一字不漏。我完全唔識俾反應，當堂想掉頭走。但係年初一去邊度搵另一間食齋嘅呢？又唔想老人家再頻頻撲撲。相信佢哋都係好清楚呢一點，所以態度先咁惡劣再等多一陣依然都係冇人有執枱，7:45-50我就問再問櫃檯幾時可以入得，佢話你係咪要門口嗰張坐得逼夾啲。另外一張就得㗎喇你等唔等？到佢終於執完嘢嗰「另一張枱」，其實係同之前嗰張一樣嘅，都係四人卡位，加一張二人枱係三面加三張凳，其中一張坐走廊。我已經冇嘢好講，淨係想快啲食完走。食物水平唔評價，咁嘅心情意見有機會有偏頗。到埋單，無啦啦張單度多左一個完全冇叫過亦都冇上過嘅餸，同收銀講，佢去完確認之後將張＂改咗＂嘅單就咁掉喺櫃檯。唔奢望一句唔好意思，仲好似我要道歉麻煩到佢咁。而張單仍然都係錯。如是者又擾攘多5分鐘。臨走時候見到餐廳外邊寫住「年初
大年初一同屋企人一齊食齋，一行七人連埋一個三歲小朋友訂咗7:30枱。
7:30準時到，話有枱賣緊單。明白嘅年初一實多人食齋啦！
好快見到有兩張吉枱，但係成10分鐘都冇人執，於是就輕輕咁問櫃檯阿姐，可唔可以睇吓幾時入得，因為小朋友都肚餓。
個阿姐答我「小朋友肚餓咪買個包俾佢食囉。」全句原文一字不漏。
我完全唔識俾反應，當堂想掉頭走。但係年初一去邊度搵另一間食齋嘅呢？又唔想老人家再頻頻撲撲。相信佢哋都係好清楚呢一點，所以態度先咁惡劣
再等多一陣依然都係冇人有執枱，7:45-50我就問再問櫃檯幾時可以入得，佢話你係咪要門口嗰張坐得逼夾啲。另外一張就得㗎喇你等唔等？
到佢終於執完嘢嗰「另一張枱」，其實係同之前嗰張一樣嘅，都係四人卡位，加一張二人枱係三面加三張凳，其中一張坐走廊。
我已經冇嘢好講，淨係想快啲食完走。
食物水平唔評價，咁嘅心情意見有機會有偏頗。
到埋單，無啦啦張單度多左一個完全冇叫過亦都冇上過嘅餸，同收銀講，佢去完確認之後將張＂改咗＂嘅單就咁掉喺櫃檯。
唔奢望一句唔好意思，仲好似我要道歉麻煩到佢咁。而張單仍然都係錯。如是者又擾攘多5分鐘。
臨走時候見到餐廳外邊寫住「年初一堂食加二作員工福利」。明白嘅初一邊個唔想同屋企人團聚？佢哋要開工要俾加二我完全冇問題。
但係如果加埋二都係咁嘅服務態度，我只可以話祝君好運，我哋就一定冇下次。
張貼